Як змяніліся беларускія ўдзельнікі дзіцячага «Еўрабачання» ФОТЫ
Глядзім, як выглядалі беларусы, што выступалі на дзіцячым «Еўрабачанні», тады і цяпер, і распавядаем, чым яны займаюцца.
Вольга Сацюк (2003)
У 2003 годзе, калі ўпершыню праводзілі дзіцячае «Еўрабачанне», нашу краіну прадстаўляла 10-гадовая Вольга Сацюк з беларускамоўнай песняй «Танцуй». «Танцуй у начы, а я паспрабую табе дапамагчы», — спявала тады дзяўчынка:
Цяпер жа шмат хлопцаў хацелі б патанчыць з Вольгай:
Спявачка не закінула музычную кар’еру, яе можна лёгка знайсці на розных івэнтах, у клубах і барах. Вольга мае дыплом эстраднага вакаліста і выкладчыка і працуе па спецыяльнасці ў адной з музычных школ. У мінулым месяцы Вольга прэзентавала новую песню:
Ксенія Сітнік (2005)
Ксенія сваім «О-ао» скарыла і журы, і ўсіх, хто быў ля экранаў тэлевізараў. Яе песня «Мы разам» атрымала першае месца на конкурсе:
Цяпер жа дзяўчына скарае сэрцы прыхільнікаў сваім экстравагантным вобразам і глыбокай філасофіяй:
Ксенія вучыцца ў Англа-амерыканскім універсітэце ў Празе. Дзяўчына рэдка прыязджае ў Беларусь і плануе працягваць адукацыю ў сталіцы Чэхіі.
У музычнай кар’еры Ксенія пакуль зрабіла паўзу. Цяпер яна знайшла іншае хобі — піша прозу і вершы. Некаторыя мы публікавалі летась.
Андрэй Кунец (2006)
Хлопчык з Мазыра з песняй «Новы дзень» атрымаў срэбра, напэўна, дзякуючы свайму пазітыву і цікаваму вобразу. Самі паглядзіце:
А цяпер зірніце, як гэты руды кучаравы хлопчык пасталеў:
У 2010 годзе выйшаў дэбютны альбом «Новы дзень», які стаў працягам кар’еры юнага спевака. Таксама вядома, што ў 2014 годзе Андрэй удзельнічаў у тэлевізійным шоу «Акадэмія талентаў». Аднак ужо тры гады як ад срэбранага прызёра дзіцячага «Еўрабачання» нічога не чуваць. Відаць, паўза звязана з навучаннем у БДУКМ.
Аляксей Жыгалковіч (2007)
Праз два гады пасля перамогі Сітнік Беларусь зноў заняла першае месца! Аляксей выканаў песню «З сябрамі» з даволі прафесійнай падтанцоўкай. Хлопчык займаўся вакалам з пяці гадоў, а песню для «Еўрабачання» напісаў сам. Вы, напэўна, памятаеце яго яскравы вобраз:
Вось так Аляксей выглядае цяпер:
Цяпер хлопец вучыцца ў Акадэміі мастацтваў на спецыяльнасці «рэжысура тэлебачання», таму мы яшчэ можам пабачыць яго імя ў спісе выбітных рэжысёраў. Дарэчы, Аляксей ужо зняў кароткаметражны фільм і некалькі кліпаў.
Аліна Молаш (2008)
Аліна Молаш разам з Дар’яй Надзінай і Карынай Жуковіч выступілі на дзіцячым «Еўрабачанні» ў 2008 годзе з песняй «Сэрца Беларусі». На жаль, іх патрыятычная песня заняла толькі шостае месца ў фінале конкурсу. Самі ацаніце, ці справядлівае рашэнне:
Аліна потым другі раз узяла ўдзел у дзіцячым «Еўрабачанні», але ўжо ў якасці вядоўцы. Дзяўчына вельмі змянілася з тых часоў:
У 2012 годзе Аліна паступіла ў Каледж мастацтваў на спецыяльнасць «Мастацтва эстрады». Цяпер спявачка працягвае музычную кар’еру, а таксама займаецца арганізацыяй выступаў на розных мерапрыемствах.
Юрый Дземідовіч (2009)
Як не ўзгадаць нашага «Чароўнага трусіка»! Яго не ведае толькі той, хто ніколі не сачыў за «Еўрабачаннем»:
З таго часу «трусік» нерэальна падрос:
У 2010 годзе Юра выпусціў альбом «Хто б вы думалі?», куды ўвайшоў і яго хіт. Праўда, сам спявак заяўляе, што больш ніколі не будзе выконваць гэтую песню. Цяпер Юра жыве ў Маскве, бо вучыцца ў Маскоўскай кансерваторыі. Выглядае, мы яшчэ пачуем яго новыя хіты.
Даніла Казлоў (2010)
У 2010 годзе Мінск прыняў эстафету правядзення дзіцячага конкурсу. Тады Беларусь прадставіў Даніла Казлоў з песняй «Музыкі святло». На жаль, наш спявак атрымаў толькі 5-е месца, хоць песня была даволі моцная:
Даніла пераехаў з Жабінкі (Брэсцкая вобласць) у Брэст і працягвае займацца музыкай.
Даніла паступова развівае свой YouTube канал і становіцца блогерам.
Папулярны тыктокер з Расіі тусіць у дарагіх рэстаранах Мінска: «Быццам бамжу падалі. Жарыце, на здароўе»28
Каментары