Цэны на прыродны газ у Еўропе працягнулі падзенне, апусціўшыся ніжэй за 25 еўра за мегават-гадзіну (блізу 280 даляраў за тысячу кубаметраў) на TFT у Нідэрландах — да самага нізкага ўзроўню амаль за два гады.
Апошні раз гэты ўзровень назіраўся ў ліпені 2021 года, калі Расея ўпершыню пачала скарачаць пастаўкі энергіі ў Еўропу перад уварваннем ва Украіну.
Пік цэн на газ прыйшоўся на жнівень мінулага года, калі была ўсталяваная рэкордная цана — амаль 340 еўра за мегават-гадзіну.
Слабы прамысловы попыт і больш запоўненыя, чым звычайна, сховішчы газу аказвалі ціск на цэны на працягу некалькіх тыдняў запар.
Еўропа набліжаецца да самых цёплых месяцаў года з запаўненнем запасаў прыкладна на 66%, што нашмат вышэй за сярэдняе гістарычнае значэнне. Гэта паказвае, што энергетычны крызіс ззаду. Падобныя ўзроўні захоўвання звычайна дасягаліся прыкладна ў сярэдзіне ліпеня.
Паколькі эканамічная актыўнасць яшчэ не дасягнула значнага аднаўлення, нягледзячы на больш нізкія цэны на газ, ёсць некаторыя асцярогі, што прапанова на рынку можа перавысіць попыт у найбліжэйшыя месяцы, асабліва пасля таго, як намаганні па папаўненні запасаў пачнуць запавольвацца, што можа прывесці да абмежавання вытворчасці.
Трэйдары па-ранейшаму разглядаюць магчымасць павелічэння спажывання газу ў найбліжэйшыя тыдні, калі надвор'е стане цяплейшым; гэта можа азначаць большы расход паліва для кандыцыянавання паветра. Мінулым летам Еўропа сутыкнулася з анамальнай спякотай і засухай, якія закранулі гідраэнергетыку і некаторыя атамныя электрастанцыі, стымулюючы выкарыстанне газу.
Еўрапейская камісія рэкамендавала ўсім урадам ЕС спыніць меры падтрымкі цэн на энерганосьбіты да канца гэтага года з-за падзення цэн на газ, піша РБК-Украіна.
-
У Расіі былы ўдзельнік вайны ва Украіне зарэзаў двух сабутэльнікаў і спаліў кватэру, дзе адбывалася застолле
-
У Тбілісі ў знак пратэсту прыпыніў працу рэстаран, папулярны ў лідараў «Грузінскай мары»
-
«Сітуацыя блізкая да катастрофы», а «такі мог быць зімовы курорт!». Расійскія ваенкары пра наступ паўстанцаў у Сірыі
Здаюць у арэнду катэдж загінулага хакеіста Цыплакова. Вось інтэр'еры ФОТЫ4
Каментары