Расія не будзе перадаваць Беларусі кантроль над ядзернай зброяй — МЗС
Размяшчэнне расійскай тактычнай ядзернай зброі на тэрыторыі Беларусі не парушае дамову аб нераспаўсюджванні ядзернай зброі (ДНЯЗ), а Масква не перадае Мінску кантроль над ёй.
Пра гэта заявіў намеснік кіраўніка МЗС РФ Сяргей Рабкоў у інтэрв'ю ТАСС да 55-годдзя падпісання Дамовы аб нераспаўсюджванні ядзернай зброі.
«Крокі, прынятыя намі ў рамках адзінай абароннай прасторы Саюзнай дзяржавы, носяць вымушаны характар. Пры гэтым яны не выходзяць за рамкі нашых міжнародных абавязацельстваў, у тым ліку па ДНЯЗ. Неабходна чарговым разам падкрэсліць: кантроль над расійскай ядзернай зброяй не перадаецца», — адзначыў намеснік міністра.
Ён дадаў, што крытыка размяшчэння ядзернай зброі РФ у Беларусі ў пераважнай большасці выпадкаў даносіцца з заходніх сталіц і «не можа не выклікаць здзіўлення».
Раней Уладзімір Пуцін і Аляксандр Лукашэнка заявілі, што ядзерную зброю часткова даставілі на тэрыторыю нашай краіны.
У той жа час ні маніторынгавая група «Беларускі Гаюн», ні разведкі іншых краін, прынамсі Украіны, не заўважылі руху ядзернай зброі па тэрыторыі Беларусі.
Раней у Беларусь ужо былі адпраўленыя сродкі супрацьракетнай абароны С-400. Пра гэта паведаміла Мінабароны Беларусі. Эшалон з ЗРК прыбыў на тэрыторыю 25-га арсенала ракетна-артылерыйскага ўзбраення (в/ч 25819) пад Стоўбцамі.
Што вядома пра беларуса Віктара Павелку, якога ў Польшчы падазраюць у арганізацыі нападаў на расійскіх апазіцыянераў1
Каментары
Ведь вагнеру забрать ядерную елду, которую везут, завезли, будут везти из России в Беларусь, под свой контроль не составит большого труда.