Вучоныя папярэджваюць: дабаўкі з рыбіным тлушчам могуць быць шкодныя для здаровых людзей
У той жа час яны карысныя для тых, хто мае сардэчна-сасудзістыя захворванні.
Рыбін тлушч як багатая крыніца тлушчавых кіслот амега-3 часта рэкамендуецца ў якасці прафілактычнага дыетычнага сродку для прадухілення развіцця сардэчна-сасудзістых захворванняў. Яму таксама прыпісваюць розныя іншыя карысныя эфекты, такія як палягчэнне болі ў суставах.
Але вынікі даследавання, апублікаваныя ў часопісе BMJ Medicine, паказваюць, што рэгулярнае спажыванне біядабавак з рыбіным тлушчам патэнцыйна можа павялічыць, а не знізіць рызыку хваробаў сэрца і інсульту ў здаровых людзей. А вось у тых людзей, якія ўжо маюць сардэчна-сасудзістыя захворванні, ён можа запаволіць іх прагрэс.
Кагортнае даследаванне было праведзена на падставе звестак з біябанку Вялікабрытаніі звыш 415 тысяч чалавек ва ўзросце ад 40 да 69 гадоў за перыяд з 2006 па 2021 гады. Пры гэтым сярэдні тэрмін назірання склаў 11,9 года.
Вучоныя імкнуліся высветліць сувязь паміж дабаўкамі рыбінага тлушчу і новымі выпадкамі фібрыляцыі перадсэрдзяў, сардэчных прыступаў, інсультаў, сардэчнай недастатковасці і смерці.
Прааналізаваўшы захворванне і смяротнасць удзельнікаў, аўтары прыйшлі да высновы, што спажыванне дабавак з рыбіным тлушчам аказвае розны ўплыў на здароўе сардэчна-сасудзістай сістэмы, прагрэс захворванняў і смерць.
Для тых, у каго ў пачатку перыяду назірання не было выяўлена сардэчна-сасудзістых захворванняў, рэгулярнае ўжыванне дабавак з рыбіным тлушчам было звязана з павышэннем рызыкі развіцця фібрыляцыі перадсэрдзяў на 13%, інсульту — на 5%.
У той жа час у пацыентаў з сардэчна-сасудзістымі захворваннямі прыём рыбінага тлушчу быў звязаны са зніжэннем на 15% рызыкі прагрэсу фібрыляцыі перадсэрдзяў да сардэчнага прыступу, і на 9% — сардэчнай недастатковасці да смерці.
Вучоныя адзначаюць, што неабходныя далейшыя даследаванні, каб вызначыць дакладныя механізмы развіцця і прагнозу сардэчна-сасудзістых захворванняў пры рэгулярным выкарыстанні дабавак з рыбіным тлушчам.
Кім аказаўся той беларус, што ў адных трусах напаў на паліцэйскіх на Пхукеце і раскідаў іх5
Каментары