За 40 км ад Мінска ёсць унікальны бясплатны гідрапарк з вадаспадамі, лесам, пляжамі і нават «джакузі»
Усяго за 40 км ад сталіцы знаходзіцца найцікавейшае месца — гідрапарк санаторыя «Сасновы бор». Гэтая незвычайная славутасць спалучае ў сабе адразу некалькі відаў адпачынку: можна пагуляць па лесе, пазагараць на пляжы, палюбавацца штучнымі выспамі і рукатворнымі вадаспадамі (і нават у іх выкупацца), піша Onliner.by.
Гідралагічны парк хаваецца ў сасновым бары недалёка ад Радашковічаў. Трапіць на тэрыторыю можна цалкам свабодна, пакінуўшы машыну каля экс-«Брыганціны» (цяпер гэта спартыўна-аздараўленчы комплекс БДУ). Тыя з вас, хто ў дзяцінстве адпачываў у піянерскім лагеры непадалёк (назвы «Зорны», «Волат», «Чабарок» вам пра нешта кажуць?), напэўна, хоць раз бывалі ў гэтым месцы. А можа, нават прабіраліся сюды ўпотай…
У вечар серады на вадаспады малыя прабіраліся толькі ў суправаджэнні дарослых. Спіны пад магутныя струмяні падстаўлялі з некаторымі асцярогамі. Затое людзі старэйшыя (магчыма, гэта госці санаторыя) рабілі гэта ўпэўнена, з асаблівай асалодай. На тварах чыталася неверагоднае, нават дзіцячае захапленне — магчыма, тутэйшая вада валодае амаладжальным эфектам. Ну а можа, гэта ўсяго толькі цуды гідрамасажу.
Пра сам гідрапарк вядома няшмат. Мяркуючы па надпісе на валуне, які сустракае проста на ўваходзе, славутасць была створаная ў 1983 годзе па праекце «Белгіправодгаса» і пабудавана сіламі трэста «Мінскводбуд».
З дапамогай плаціны на рацэ Рыбчанцы былі створаныя штучны вадаём і сетка каналаў з вадаспадамі і каскадамі. Яны разразаюць сушу на сем выспаў, звязаных паміж сабой масткамі (ёсць нават некалькі падвесных).
Выспы гэтыя рознай ступені акультуранасці. Некаторыя выглядаюць дзіка (у добрым сэнсе слова): дзесьці бярозка прылягла на водную роўнядзь, дзесьці кусты выраслі вышэйшыя… Усё гэта стварае адчуванне натуральнай прыроды.
Яшчэ тут абсталяваны пляж з распранальнямі, парачкай лежакоў і парасонаў, дзіцячымі арэлямі. Для малых у вадаёме прадугледжана спецыяльная зона, абмежаваная сеткай.
А калі раптам вы забыліся купальнік, а паплаваць хочацца, не хвалюйцеся: на ўскраіне парку ўжо ўзнік стыхійны рынак з купальнымі прыладамі.
Паглядзець на гідралагічную славутасць можна цалкам бясплатна. Абысці тэрыторыю прапануюць двума маршрутамі — кароткім сінім і доўгім чырвоным. Яны пазначаныя не толькі на інфармацыйным стэндзе, але і па ходзе руху — стрэлачкі адпаведных колераў налепленыя на ствалах дрэў.
Адпачынак казачны, але не бюджэтны: як сям'я з Брэсцкай вобласці бавіла час у парку жывёл «Дыпрыз»
«Ты нібыта ў гатэльным нумары, але ў той жа час як і на прыродзе». Беларусы расказалі, як гэта — падарожнічаць па краіне аўтадомам
Якую экасцежку ў Беларусі абраць для падарожжа выхаднога дня?
Топ маляўнічых месцаў для летніх вандровак па Беларусі, далей ад гарадской задухі
«Вялікі абсалютна чалавек». Коля Лукашэнка расказаў, што для яго бацька і ў чым ягоная апазіцыйнасць14
Каментары