Таямніцы «дома балерын» у Мінску, дзе кватэры каштуюць больш за $100 тысяч
«Домам балерын» называюць дом №5, што па вуліцы Алаізы Пашкевіч у сталіцы. Невялікі чатырохпавярховы дом стаў манументальным фонам Вялікага тэатра, піша «Камсамольская праўда».
Кватэры каштуюць больш за 100 тысяч даляраў
У гэтым доме ўсяго толькі 27 кватэр, і таму ў продажы яны бываюць не часта. У мінулым годзе выстаўлялі 5-пакаёвую кватэру, былую камуналку, агульнай плошчай больш за 100 кв.м. Яна каштавала каля 185 тысяч даляраў па курсе.
Цяпер у продажы двухпакаёвыя кватэры. Адна з іх амаль 58 кв. м агульнай плошчы (жылая — 45, 5 кв.м.). Гасцёўня і кухня сумешчаныя, а ў ваннай ёсць акно. У кватэры зроблены добры рамонт, яе кошт — 570 тысяч рублёў (каля 180 тысяч даляраў).
Яшчэ адна двухпакаёўка з выдатным рамонтам плошчай 56,3 кв.м. (жылая — 40,8 кв. м.) выстаўленая за 399 тысяч рублёў (каля 126 тысяч даляраў).
На месцы дома быў Траецкі рынак
На тым месцы, дзе стаіць дом і тэатр, яшчэ ў 1920-я быў бурлівы Траецкі рынак. Але базар там зачынілі і пачалі будаўніцтва сучасных будынкаў: жылых дамоў, а потым і Вялікага тэатра, які створаны па праекце архітэктара Іосіфа Лангбарда.
Цяперашні дом №5 спачатку пабудавалі на 12 кватэр, а ў 1935-м прыбудавалі трэці пад'езд. Тэатр тады яшчэ толькі ўзводзілі, а адкрылі яго ў 1939-м.
Падчас вайны дом быў часткова разбураны. Але яго не знеслі, бо жыллёвае пытанне стаяла вельмі востра, а аднавілі ўжо ў стылі савецкага неакласіцызму, які тады быў у модзе. Дом быў здадзены для работнікаў Вялікага тэатра.
З-за дэфіцыту чыгуну ў доме доўгі час не было ваннаў. Аж да 70-х гадоў жыхары былі вымушаныя хадзіць у лазню. Уласныя ванныя пакоі жыхары сталі ўзводзіць замест печак на кухнях. Паколькі ўласнікам даводзілася рабіць выбар паміж паўнавартасным санвузлом і ёмістай кухняй, апошнія ў многіх кватэрах атрымаліся зусім невялікімі.
Бася Карпілава выступала на сцэне з жывой казой
У доме жылі многія знакамітыя артысты, якім гледачы апладзіравалі на спектаклях Вялікага тэатра.
Балерына Бася Карпілава (дзявочае прозвішча Розенблат) да вайны служыла ў Маскоўскім музычным тэатра ім. К. С. Станіслаўскага і Ул. І. Неміровіча-Данчанкі, а падчас вайны выступала ў складзе франтавых брыгад. Пасля перамогі прыняла запрашэнне пераехаць у Мінск. У 1949 годзе Бася выйшла замуж за Віктара Карпілава — беларускага тэлерэжысёра. На сцэне Вялікага тэатра Бася Карпілава танцавала ўсе вядучыя партыі ў рэпертуары.
Цікава, што адразу пасля вызвалення Мінска артысты жылі ў тэатры. І Бася з сям'ёй таксама. А адзін з суседніх пакояў быў перададзены казе. Рэч у тым, што ў балеце «Эсмеральда» галоўная гераіня ў адным з эпізодаў выходзіць на сцэну з казой.
У плеядзе зорак, якія прыбылі ў тэатр пасля вызвалення Беларусі, была і балерына Ніна Младзінская. Дзяўчына з дваранскай сям'і да рэвалюцыі скончыла Петраградскае харэаграфічнае вучылішча, вучылася ў вялікіх, тых, каго называюць заснавальнікамі рускага балета.
У Мінск Ніна прыехала, калі ёй было ўжо 42 гады, але яшчэ 10 гадоў выступала на сцэне.
Заслужаная артыстка БССР выконвала вядучыя партыі, а пасля звальнення з тэатра стала выкладчыцай, якую вучні ўспамінаюць з удзячнасцю.
Жыў у гэтым доме і легендарны Сямён Дрэчын, народны артыст БССР. Ён нарадзіўся ў 1915-м і працаваў у тэатры з дня яго заснавання. Дрэчын — першы вядучы танцоўшчык Вялікага тэатра. Ён прайшоў шлях ад майстра сцэны да балетмайстра.
Сястра Калеснікавай прапанавала ў Брусэлі тры крокі, якія трэба зрабіць для вызвалення палітвязняў23
Каментары