Patrabujcie ŭklučeńnia hazetaŭ u kataloh

25.11.2005 / 13:00

Zvarot Sakrataryjatu HA «Tavarystva biełaruskaj movy imia F.Ckaryny»

Rašeńnie spynić padpisku na šerah vydańniaŭ, što vydajucca pa-biełarusku, pazbaŭlaje biełaruskamoŭnych hramadzian krainy mahčymaści atrymlivać aficyjna zarehistravanyja hazety na rodnaj movie.

Sakrataryjat TBM vykazvaje rašučy pratest z pryčyny vyklučeńnia z respublikanskaha padpisnoha katalohu hazet «Naša Niva» i «Rehijanalnaja hazieta» i źviartajecca da kiraŭnictva Ministerstva infarmacyi, RUP «Biełpošta» z prapanovaj spynić sproby dyskryminacyi padpisčykaŭ pa moŭnaj prymiecie.

My źviartajemsia i da hramadzian Biełarusi z zaklikam pryniać aktyŭny ŭdzieł u abaronie svaich pravoŭ na atrymańnie infarmacyi na dziaržaŭnaj movie. Prosim vas nakiroŭvać svaje listy pratestu na adras hieneralnaha dyrektara RUP «Biełpošta» (pr.Niezaležnaści, 10, 220050, Miensk, teł.226-01-73, faks 226-11-70), ministra suviazi i infarmatyzacyi (pr.Niezaležnaści, 10, 220050, Miensk, teł.227-38-61, faks 227-21-57) i ministra infarmacyi (pr.Pieramožcaŭ, 11, 220004, Miensk, teł. 206-32-90, faks 203-34-35).

17 listapada 2005 h.

Drukujecca ŭ skarocie