Łukašenka z Kolem naviedali chram-pomnik u honar Usich śviatych - fotafakt

07.01.2013 / 14:32

Pavodle źviestak pres-słužby prezidenta, razam z kiraŭnikom Biełaruskaj pravasłaŭnaj carkvy Fiłaretam jon zapaliŭ kaladnuju śviečku ŭ nižnim prydziele ŭ honar Iaana Chryściciela.

Łukašenka padnios u dar mitrapalitu naścienny hadzińnik, azdobleny raźbianymi karunkavymi arnamientami, vykananymi ŭ technicy Sožskaj skani. Fiłaret padaryŭ aficyjnamu lidaru ikonu Rastva Chrystovaha.

«Zatym Alaksandr Łukašenka pasłuchaŭ śpievy ŭ vykanańni choru vychavancaŭ niadzielnaj škoły Usichśviackaha prychoda. Łukašenka taksama aznajomiŭsia z płanami pa zaviaršeńni budaŭnictva i stvareńni ŭnutranaha vidu chrama-pomnika.

A. Łukašenka i mitrapalit Fiłaret praciahnuli kantaktavać za čajem. Alaksandr Łukašenka razam z małodšym synam Mikałajem pierad naviedvańniem chrama taksama ŭskłaŭ kvietki da pomnika patryjarchu Alaksieju II», — havorycca ŭ paviedamleńni.