Łukašenka: Dastavajcie z kišeniaŭ hrošy i skančajcie hetyja kompleksy
22.09.2014 / 14:46
BiełTA
Pra heta Alaksandr Łukašenka zajaviŭ na naradzie pa adnaŭleńni vytvorčaści abjomaŭ śvininy ŭ krainie.
Jon, u pryvatnaści, padkreśliŭ, što nieabchodna całkam ukamplektavać kompleksy, pabudavanyja ŭ 2013-2014 hadach. Pavodle jaho słoŭ, niedaŭkamplektavanaść hetych kompleksaŭ padobna złačynstvu.
Jość i prablema terytaryjalnaj raźjadnanaści, kali ŭ adnoj haspadarcy niama pamiaškańniaŭ dla adkormu parsiučkoŭ, a niedzie kompleksy pustujuć.
Łukašenka zapatrabavaŭ paskoryć zaviaršeńnie budaŭnictva novych kompleksaŭ. «Nie čakajcie, što niechta pryjdzie i vam pabuduje. Dastavajcie z usich kišeniaŭ hrošy i skančajcie hetyja kompleksy», — skazaŭ jon.
Miescy dla adkormu, jakija adsutničajuć, možna atrymać za košt budaŭnictva chutkaŭźviedzienych karkasna-tentavych anharaŭ.
Pryčym vyrašać hetuju zadaču treba ciapier, pakul nie nastupiła zima.
«Tamu nieadkładna, kali vy pryniali rašeńnie, pačynajcie adnaŭlać, prytym za kapiejki, nichto vam vialikich hrošaj na heta nie daść, takija śvinahadoŭčyja kompleksy abo fiermy», — skazaŭ Łukašenka.
Jon adznačyŭ, što navukoŭcy prapracavali varyjanty paskoranaha ŭznaŭleńnia plemiannych śviniej. Hetaja tema taksama siońnia abmiarkoŭvajecca na naradzie.
Što tyčycca epizaatyčnaj situacyi ŭ śvinahadoŭli, to prajšło prajšło krychu bolš hoda z dnia praviadzieńnia narady, na jakoj my jaje razhladali i vypracoŭvali miery pa baraćbie ź virusnym zachvorvańniem śviniej, — nahadaŭ kiraŭnik dziaržavy. — Tady vyznačylisia, što i jak treba rabić. U pryvatnaści, likvidavać ačahi hetaj zarazy i krynicy zachvorvańnia ŭ dzikaj pryrodzie. Pryčym, začyščajučy ačahi, treba pa-čałaviečy stavicca da ludziej, čyje intaresy heta zakranie».
Łukašenka dadaŭ, što pavinny być taksama bieražlivyja adnosiny da pryrody i žyviołaŭ. Jon pieraściaroh ad biazdumnaha staŭleńnia ŭ hetym pytańni:
«U nas tak: pajšli frontam, dzie nie atrymlivajecca adstrelić dzika — spalim les, vysiečam jaho».
Pakolki hetaja prablema tyčycca nie tolki Biełarusi, a mnohich inšych krain, jaje treba vyrašać kompleksna.