Навукоўцы зафіксавалі таямнічыя гравітацыйныя хвалі, якія Эйнштэйн прадказаў 100 год таму

11.02.2016 / 20:13

Калабарацыя Advanced LIGO змагла зафіксаваць сігнал гравітацыйных хваляў акустычнага дыяпазону. Хвалі з'явіліся пасля злівання дзвюх чорных дзірак масай каля 29 і 36 мас Сонца. Паводле дадзеных навукоўцаў зліванне адбылося 1,3 мільярда гадоў таму. Пры гэтым была выдзелена энергія, эквівалентная тром масам Сонца.

«Мы злавілі гравітацыйныя хвалі, мы зрабілі гэта», — заявіў на прэс-канферэнцыі ў Вашынгтоне прадстаўнік Advanced LIGO.

Сігнал быў зафіксаваны яшчэ першага верасня, але шмат часу пайшло на аналіз. Сігнал злавілі абодва лазерныя інтэрферометры побач з Лівінгстонам у штаце Луізіана і Хэнфордам у Вашынгтоне.

Гравітацыйныя хвалі — прамое следства ўраўненняў агульнай тэорыі адноснасці, прапанаваных Альбертам Эйнштэйнам ў 1915 годзе. У адрозненне ад электрамагнітных хваляў — святла — інтэнсіўнасць гравітацыйных хваляў на шмат парадкаў менш, таму выявіць іх удалося толькі праз 100 гадоў з моманту прадказання.

Як гучыць зліццё, можна паслухаць тут: