Strytboł, vorkaut, parkur-haradok. U Minsku adkryŭsia park ekstremalnych vidaŭ sportu FOTY
Ciapier amatary vostrych adčuvańniaŭ mohuć zadavalniać svaju ciahu da niebiaśpieki centralizavana: u Minsku na vulicy Staletava, 1 adkryŭsia vialiki park, pryśviečany ekstremalnym vidam sportu.
03.09.2016 / 21:34
Unikalny dla krain SND park źmiaščaje siem placovak: dla mini-futboła, strytboła, vorkauta, parkur-haradka, skiejt-parku, dziciačych zabaŭ i dla zaniatkaŭ sportam ludziam z abmiežavanymi mahčymaściami. Uvohule, kožny moža znajści, čym zaniacca.
Ideja stvareńnia takoha parku ŭźnikła va ŭdzielnikaŭ Centra vuličnaj kultury i sportu «ProKač» letaś.
Staršynia Minharvykankama Andrej Šorac inicyjatyvu padtrymaŭ, i park pabudavali ŭsiaho za try z pałovaj miesiacy zamiest zapłanavanych siami.