Historyja adnaho ščaścia: eka, vykidyš i znoŭ eka
Darja Alpiern-Katkoŭskaja vieryć, što jaje spoviedź moža kamuści dapamahčy.
12.09.2016 / 20:54
Apošnija dva hady byli vielmi ščaślivymi, ale adnačasova dastatkova ciažkimi ŭ maim žyćci, — piša ŭ siabie ŭ fejsbuku Darja Alpiern-Katkoŭskaja. — Kali mnie było drenna i ciažka, ja išła ŭ internet i čytała čužyja historyi pośpiechu z dumkaj ab tym, što ŭ budučyni jość dzień, u jaki ja napišu svaju.
Majo pieršaje dzicia źjaviłasia lohka, ź pieršaha razu i biez namahańniaŭ. Jak padarunak Usiavyšniaha ŭ samy składany pieryjad majho žyćcia — kali moj brat pravioŭ apošni hod svajho žyćcia ŭ komie. Paśla hetaha ja zaŭsiody chacieła jašče dziaciej, ale žyćcio składvałasia tak, što pa roznych pryčynach nie składvałasia. U tym liku i nie atrymlivałasia bolš.
Viasnoj 2014 hoda ja sustreła svajho druhoha muža — i ŭsie zakruciłasia.
Na samaj spravie na druhim spatkańni ja skazała niešta nakštałt: «Čuvak, kali ščyra, ja chaču siamju, dziaciej, sabak-kocikaŭ, bałahan i ŭsio takoje, i kali heta nie ŭvachodzić u tvaje płany — nie budziem marnavać čas». Praz tydzień my stali žyć razam, a praz dva miesiacy sumiesnaha žyćcia stała zrazumieła, što my chočam jašče i svajo dzicia.
Ale ŭsio heta ŭskładniałasia tym, što ŭ Sierža ankałahičnaje zachvorvańnie i było apramieńvańnie, jakoje zabivaje zdolnaść narodkaŭ da razmnažeńnia. Ale moj zapaślivy muž pierad praceduraj (za try hady da našaha znajomstva) prajšoŭ standartnuju dla Izraila ŭ vypadku ankazachvorvańnia praceduru da luboha lačeńnia — zamarozka śpiermy. Tamu
mahčymaść mieć dziaciej u našym vypadku była, ale adzinym sposabam — praz praceduru IVF-invitrofertilization, abo EKA pa-biełarusku.
Ja, viadoma, atrymała paru kasych pohladaŭ ad asiarodździa i akuratna spakavanaha mierkavańnia nakštałt «nu ty jak zaŭsiody», «nie jak u ludziej», «ty što, durnica?», «nie psuj sabie zdaroŭje», «nie dury hałavy» ci «znajdzi sabie inšaha mužčynu». Napeŭna, pryčyna «ja chaču dziaciej, a jašče bolš ja chaču dziaciej ad kachanaha mužčyny» dla ich niedastatkovaja, a dla mianie — tak.
Na samaj spravie akramia tych, chto blizka sutykaŭsia z hetym, bolšaść ludziej nie zusim ujaŭlajuć sabie, jak heta adbyvajecca i nakolki heta ciažka. Ja navat nie ŭpeŭnienaja, što ja b pahadziłasia z takoj lohkaściu, kali b ŭjaŭlała, z čym mnie daviadziecca sutyknucca. I tamu taksama vyrašyła raskazać hetuju historyju.
Hramadzianie Izraila majuć prava na apłatu EKA pa strachoŭcy, kali pa niejkaj pryčynie jany nie mohuć mieć dziaciej (adnaho hoda sprobaŭ dastatkova, kab źviarnucca da doktara i pačać praceduru EKA). Kala 1% usich narodžanych dziaciej naradžajucca paśla EKA (heta vielmi šmat). U lipieni 2014 hoda my pačali rabić analizy, źbirać dakumienty i vybrali kliniku ŭ Jerusalimie — Adassejn Karem.
U balnicy paśla hipierstymulacyi.
Pakolki my nie byli žanatyja na toj momant, my pavinny byli zaklučyć u Izraili ŭ nataryusa pahadnieńnie ab sumiesnym vychavańni dziaciej paśla pracedury IVF, pra toje, što moža rabić druhi partnior z našymi zarodkami, jajcakletkami i śpiermaj u vypadku śmierci druhoha partniora (možna dazvolić vykarystoŭvać, možna zabaranić, ustalavać abmiežavańni pa terminie i inš.)
U kastryčniku 2014 h. (jakraz kali ŭ muža zakančvaŭsia paŭhadavy kurs chimijaterapii) my atrymali dazvoł ad strachavoj pačać praceduru. Pierad pačatkam pracedury sustrakaješsia z doktaram kala troch razoŭ, raspaviadaješ pra siabie, pra svajo zdaroŭje, pracedura tłumačycca vielmi padrabiazna. Naša doktarka — simpatyčnaja relihijnaja žančyna, emihrantka z Aŭstralii, doktarka Jardena Hymann. My časta pierapisvalisia pa pošcie i ŭatsapie, pasyłali joj analizy i UHD i fota vyniku. Jana vielmi ciopłaja i dušeŭnaja, dasyłała mnie mejł sa słovami: «Ja ŭklučyła ciabie ŭ svaju štodzionnuju malitvu». Tak što nam nie tolki miedycyna dapamahała.
Kastryčnik 2014. Adasa, lažu ŭ špitali paśla hipierstymulacyi, uvieś čas pad kropielnicaj.
Pakolki pa vynikach abśledavańnia ja zvyčajnaja žančyna bieź niejkich dyjahnastavanych prablem z harmonami, fiertylnaściu i inšym, to my prachodzili standartny karotki pratakoł (pryčyna ŭ takim vypadku ŭkazvajecca jak «mužčynski faktar»).
Pačynajučy ź pieršaha dnia čarhovaha cykłu prymajucca preparaty, stymulujučyja supieravulacyju (vyśpiavańnie bolšaj kolkaści jajcakletak), a taksama tabletki, jakija stymulujuć rost epiteliju ŭ matcy, bo miarkujecca, što viartańnie apłodnienych jajkakletak adbudziecca praz paru dzion paśla ich vyniaćcia, u hetym ža cykle. Stymulacyja vyhladaje jak ukoły ŭ žyvot na praciahu dvuch tydniaŭ — kab harmon pastupova pranikaŭ u jaječniki i stymulavaŭ falikuły.
Ja nendza i sama heta rabić nie zmahła (kałoć siabie lubimuju ŭ žyvot!), i niekalki štodzionnych ukołaŭ u žyvot na praciahu dvuch tydniaŭ mnie kałoŭ muž. Ja płakała, a jon uhavorvaŭ mianie paciarpieć.
Naohuł, dva tydni stymulacyi dla majho arhanizma akazalisia adnym z samych ciažkich vyprabavańniaŭ u žyćci. U jakaści pabočki byli žudasnyja boli ŭ žyvacie (ja nie mahła chadzić), nietalerantnaść da vuhlavodaŭ, psichičny stan jak dziesiacirazovy piakielny PMS — ja lažała płastom i rydała ad fizičnaha i psichičnaha niadužańnia. Pa adčuvańniach i vyhladzie ŭ mianie heta prachodziła horš, čym mnohija pieranosiać chimijaterapiju.
Dobra, što moj ciarplivy muž ciarpieŭ, škadavaŭ, braŭ na ručki, suciašaŭ i padtrymlivaŭ i słova mnie papiarok nie skazaŭ.
Lipień 2015. U Adasie, u pakoi pierad uvachodam u apieracyjnuju dla viartańnia zarodkaŭ.
Toje, jak rastuć jajcakletki i epitelij, kantralujecca na UHD raz u niekalki dzion.
Kali niekalki jajcakletak dasiahajuć patrebnaha pamieru (prykładna na 14-y dzień cykła plus-minus paru dzion), žančyna kole jašče adzin ukoł — jaki pravakuje avulacyju roŭna praz 24 hadziny. Praz 24 hadziny ŭ klinicy pad karotkim ahulnym narkozam śpiełyja jajcakletki, jakija vyjšli z falikułaŭ, adpampoŭvajuć i adrazu źmiaščajucca ŭ pažyŭnaje asiarodździe. Paśla hetaha ŭ pažyŭnym asiarodździ da ich padsadžvajuć zahadzia razmarožanaha abranaha pryhožaha narodka.
Darečy, śpiermu zamarožvajuć porcyjami — naprykład, standartny abjom ad adnoj ejakulacyi dzielać prykładna na 6 — 10 porcyj i pry pracedury biaruć tolki adnu, kab byŭ zapas dla nastupnych sprobaŭ pry nieabchodnaści. I paśla hetaha ŭsie — i lekary taksama — čakajuć cudu. Dla mianie voś hety praces vybaru narodka i potym samaj pryhožaj aacyty abo błastacysty (heta stadyi dzialeńnia apłodnienaj jajkakletki da taho, jak jana stanie zarodkam) — samy čaroŭny momant va ŭsim hetym. Ja, praŭda, ujaŭlaju, jak u hety momant Usiavyšni vodzić rukoj doktara i anioły trubiać u maleńkija załatyja dudački:)
Usio nie mienš intymna i ŭźniosła, čym u ciele žančyny. Praŭda!
Kali ŭsio dobra, to praź niekalki dzion vyłaŭlenyja i apłodnienyja jajcakletki darastajuć da 3-5-7-kletkavaha pamieru, im dajuć acenki — AA, AV, U (pa jakaści), i ich možna viartać u cieła žančyny. Reštu zamarožvajuć — jaje možna vykarystoŭvać potym.
Pry zvyčajnym chodzie pracedury ŭ žančyny śpieje kala 5 jajcakletak padčas supieravulacyi. Ale dla majho arhanizma navat minimalnaj standartnaj dozy akazałasia vielmi šmat, i ŭ mianie zdaryłasia hipierstymulacyja jaječnikaŭ. Mienavita tamu mnie było tak drenna na praciahu dvuch tydniaŭ stymulacyi, nastolki drenna być nie pavinna. Ź mianie vyniali až 36 jajkakletak, ź jakich paśpiachova apładnilisia 18, a da 5-8-kletačnaha stanu daraśli 11, jakich i zamarozili.
Tak jak z-za majho stanu hipierstymulacyi ciažaryć było niebiaśpiečna, daktary pryniali rašeńnie zamarozić usio i viartać u tym cykle, u jakim arhanizm adnovicca (praź miesiac-dva, nie raniej). Heta akazałasia pravilna — praz dva dni ja trapiła ŭ balnicu ŭ stanie vostraj hipierstymulacyi, u mianie było niekalki litraŭ svabodnaj vadkaści ŭ brušnaj paražninie, mnie było vielmi drenna, i amal dva tydni ja valałasia napaŭharodninaj u ciažkim stanie pad kropielnicaj u lakarni. Paśla hetaha treba było jašče dva cykły dla arhanizma, kab pryjści ŭ siabie da viartańnia jajcakletak. Pry hetym, pa statystycy, ciažarnaść nastupaje čaściej i bolš žyćciazdolnaja mienavita pry pracedury viartańnia zamarožanych kletak u niestymulavanym cykle.
Na vialikim ekranie doktar pakazvaje dźvie jajcakletki, jakija buduć viartać.
U śniežni 2014 hoda my prajšli pieršuju praceduru viartańnia. Dla hetaha ź pieršaha dnia cykłu žančyna pačynaje prymać prahiesteron i estrahien dla stymulacyi rostu epiteliju ŭ matcy.
Kali pad kantrolem UHD varsinki stanoviacca 10 mm abo kala hetaha (heta samy spryjalny pamier), možna pravodzić viartańnie. Za paru dzion da viartańnia razmarožvajucca 4 zamarožanyja jajcakletki. Ich znoŭ źmiaščajuć u asiarodździe i hadujuć. Vybirajuć adnu abo dźvie najlepšyja (bolš za dvie pa zakonie ŭ Izraili nie viartajuć, bo trajnaja ciažarnaść — heta vielmi składana, a redukcyja — heta drenna). Astatnija zamarožvajuć nazad, ich možna jašče raz razmarožvać i vykarystoŭvać.
Viartańnie pravodzicca ŭ apieracyjnaj biez narkozu. Na vialikim ekranie doktar pakazvaje kubak z maim proźviščam i ŭ režymie anłajn vyłoŭlivaje dźvie kletki i potym prosta ź nievialikaj kolkaściu vadkaści uvodzić ich u paražninu matki (pad kantrolem UHD) — heta praściej, čym zvyčajny hiniekałahičny ahlad.
Paśla hetaha prosta idzieš dadomu i dva dni nielha skakać-biehać i zajmacca seksam. I ŭsio. Čakać. Ja čytała na forumach, što ŭ Rasii i postsavieckich krainach žančyn prymušajuć ledź nie miesiac lažać paśla hetaha. Ale heta nie treba.
Pryžyvajecca ci nie — na praciahu dvuch dzion, a vynik — ciažarnaja ci nie — viadomy tolki nie raniej čym praz dva tydni. Praz dva tydni — analiz kryvi na harmon ciažarnaści CHHČ (heta bolš adčuvalna, čym testy), i kali ciažarnaść raźvivajecca narmalna, pakazčyki harmonu CHHČ pavinny padvojvacca kožnyja dva-try dni. Adpaviedna, jašče dva tydni pastajanna zdajecca analiz kryvi.
Tolki potym zarodak možna ŭbačyć na UHD. Heta vielmi składanyja dva tydni — nijak nie možaš paŭpłyvać na vynik, stolki emocyj i čakańniaŭ. Možna tolki tupa čakać. Vielmi niervova i strašna lišni raz uzdychnuć. U mianie ŭ hety pieryjad abodva razy tydzień była strašnaja, ničym nie zabivalnaja mihreń.
Doktar pakazvaje, što na prabircy napisana majo proźvišča. I heta maje jajcakletki.
31 śniežnia 2014 hady ja atrymała stanoŭčy analiz CHHČ. My byli ščaślivyja i vielmi radyja, što atrymałasia ź pieršaha razu, choć jajcakletka pryžyłasia adna — my chacieli dvajniat. Ale, na žal, u adnu ranicu praz try tydni ja pračnułasia biez taksikozu i bol u hrudziach, jakoj zvyčajna supravadžajecca ciažarnaść, raptam źnikła. Na UHD akazałasia, što ciažarnaść pierastała raźvivacca. Paśla hetaha ja pieražyła vykidyš i vakuum-abort, bo reštki płodnaha jajka nie adryvajucca samastojna. Toje, jak nie pa-ludsku abychodziacca z žančynami navat u płatnych klinikach u Minsku pry aborcie, — tema dla asobnaj hutarki (źmiaščajuć u adnu pałatu tych, chto straciŭ dzicia, i tych, chto radasna telefanuje: «Nu ŭsio, ja pazbaviłasia ad prablemy»; nie dazvalajuć mužu być z taboj ni da, ni padčas, ni paśla pracedury; słovy, jakija kažuć: «Oj, znajšła prablemu, čaho vyješ?..» Nijakaj padtrymki i spačuvańnia).
Heta śpiecyjalnaja ručka, u jakuju ŭsmoktvajuć jajcakletki i vypuskajuć u paražninu matki. Usio pakazvajuć na ścianie na vialikim ekranie.
Mnie spačatku zdavałasia, što ja tak prahnu dzicia, što budu hatovaja paŭtaryć heta chutka. Ale atrymałasia tak, što ja vielmi ciažka pieražyvała stratu dziciaci: akazałasia, heta vielmi baluča i składana, ja navat nie ŭjaŭlała, jak heta ciažka i traŭmatyčna, pakul heta nie zdaryłasia sa mnoj…
Rašycca druhi raz z dumkaj ab tym, što heta moža paŭtarycca znoŭ, było vielmi składana. Nastupny raz, kali ja vyrašyłasia, zdaryŭsia tolki praz 6 cykłaŭ — u lipieni 2015 hoda.
Kali b vy viedali, jak heta vymotvaje — žyćcio na tabletkach, harmonach, cykłach i kantroli UHD. A da hetaha paŭhoda ja sublimavała ŭ zdarovy ład žyćcia, skidajučy nabranyja padčas stymulacyi kiłahramy i pracujučy ŭ spartzale. Dobra dapamahaje ŭ ciažkija žyćciovyja pieryjady, raju.
A potym hladziać na UHD, ci patrapili jajcakletki ŭ matku.
U lipieni, za niekalki dzion da hatoŭnaści epiteliju ŭ matcy, daktary razmarozili čatyry i vyhadavali našy aacyty da stanu błastacysty (jajcakletka praz 5 sutak paśla apładnieńnia) — rost da stanu błastacysty kaža pra toje, što kletka dobra dzielicca, dobraja i žyćciazdolnaja. Viartańnie błastacysty, a nie aacytaŭ pavialičvaje šancy na zdarovuju ciažarnaść.
Jak i tady — dva vielmi ciažkija tydni čakańnia pad majo biaskoncaje nyćcio «a-a-a-ja-ničoha-nie-adčuvaju», «a-a-a-ničoha-nie-vyjdzie». Jak zvyčajna, z pačatku cykła prymajucca prahiesteron i estrahien, viartańnie pa izrailskim pratakole adbyvajecca z 14-ha pa 21-y dzień cykła prykładna, a harmanalnaja padtrymka prymajecca da 10 — 11-ha tydnia, pa rasijskich i biełaruskich standartach padtrymku strachujuć da 18 — 20-ha tydnia, ale da 12 tydnia prahiesteron pavinien vypracoŭvacca arhanizmam sam.
U kancy lipienia vynik znoŭ byŭ stanoŭčym, i na pieršym UHD była dvojnia. My znoŭ byli ščaślivyja, ale ŭžo vielmi aściarožna. I hety strach jašče padvoiŭsia — potym, u 6 tydniaŭ u mianie byŭ kryvaciok, i, na žal, adzin embryjon redukavaŭsia. Heta taksama było vielmi baluča i sumna, ale najaŭnaść žyvoha z sercabićciem i ručkami-harošynkami ŭsio ž taki prymirała i prymušała nie ŭpadać u depresiju i škadavańnie.
Naohuł, ciažarnaść paśla vykidyšu — heta vielizarnaje vyprabavańnie i dla žančyny, i dla pary. Strašna dychać, skakać, čchać, žyć i zajmacca seksam. Ale treba, tak :). Kali b ja mahła — ja b chadziła na UHD štodnia, kab mnie kazali: «Tak, usio dobra, serca bjecca». Ale tak pry zaškalvajučaj panicy ja chadziła dzieści raz na dva tydni. Pierad UHD rydała ad strachu, padčas i paśla — ad radaści. U mianie byŭ mocny taksikoz i pabočka ad estrahienu — iznoŭ nietalerantnaść da vuhlavodaŭ, nabor vahi, słabaść, młosnaść, depresucha i niešta typu PMS.
39 tydniaŭ ciažarnaści!
Ad strachu stracić dzicia mianie adpuściła trochi paśla pieršych varušeńniaŭ u 16 tydniaŭ. Da hetaha ja praktyčna ŭvieś čas bajałasia. Heta vielmi ciažka.
Paśla admieny padtrymki z druhoha trymiestra stała lahčej, choć i potym u roznaj stupieni intensiŭnaści ja bajałasia da ŭsich našych 41 z pałovaj tydnia i rodaŭ, ale ŭžo nie tak mocna, jak u pieršym, nieprykmietnym i niebiaśpiečnym, trymiestry. Dzicia varušyłasia — i ja była ščaślivaja, što jość choć niejki markier taho, što ŭsio raźvivajecca dobra.
Biełaruskaja žanočaja kansultacyja časam sprabavała ŭpłyvać na mianie papužvańniem «u vas ža EKA — papicie pihułački», ale, zhodna z navučańniam izrailskich lekaraŭ, maja pazicyja była «paśla admieny padtrymki z 10 tydnia ŭ ciabie zvyčajnaja ciažarnaść». Potym na UHD u Minsku bačyli nizkuju płacentu i pałochali roznymi nastupstvami, a ŭ Izraili ničoha drennaha nie bačyli i ničym nie pałochali.
Nu i tam vas usprymajuć jak paru, baćka naroŭni z maci, i dajuć maksimum infarmacyi biez zapytu, a ŭ Minsku była niejkaja pastajannaja drobnaja niedramatyčnaja baraćba za prysutnaść muža ŭ lekara, atrymańnie infarmacyi (padčas UHD chacia b, nu). Ciažarnaść była ŭsio roŭna nie samaj lohkaj — to tut pa drobiazi ŭ arhanizma advalicca, to tam, to zachvareju i antybijotyki treba pić, to cisk, to jašče što, a ŭ kancy hety žudasny nieŭryt nierva tvaru, choć da ciažarnaści ja pryjšła ŭ vydatnaj spartyŭnaj formie i stanie zdaroŭja.
12 krasavika 2016 hady ja naradziła ŭ Vilni pryhožaha chłopčyka, jakoha zvać Davyd Siarhiejevič, 3400, 54 sm, 9/10 Aphar. Vynik hetych amal dvuch hadoŭ — kruhły, sałodki i vydatny. I napeŭna kaštavaŭ hetaha bolu, strat, śloz, emocyj, strachu.
Syn naradziŭsia ŭ Vilni.
P.S. U jakaści pramovy za ŭručeńnie mnie «Oskara» za najlepšuju ciažarnuju rolu:)
Ja šalona ŭdziačnaja mužu za biaskoncaje tryvańnie mianie padčas hetaha supierharmanalnaha pieryjadu, za padtrymku fizičnuju i maralnuju, hatoŭnaść zaŭsiody ŭziać na ručki. Udziačnaja majmu starejšamu synu i baćkam za ciarplivaść, za dapamohu siabram u Izraili, hurtku dla ciažarnych doŭły Lizy Šefier, Fejsbuku, u jakim pad zamkom ja skardziłasia i nyła vuzkamu kołu siabroŭ i atrymlivała šmat padtrymki.
Voś takaja voś doŭhaja historyja pośpiechu vyjšła. Ja spadziajusia, jana kamu-niebudź dapamoža, kaho-niebudź natchnić, mnie jana dapamahła pieražyć heta jašče raz, padumać, što jak-niebudź spadziajusia heta paŭtaryć najbolš lohkim sposabam — u nas zastałosia 7 zarodkaŭ u Izraili zamarožanych. Bo ja ź dziacinstva chacieła jak minimum traich dziaciej!
Usie razam!
Ad redaktara
Prośba da čytačoŭ być vielmi strymanymi ŭ svaich vykazvańniach u kamientach.