Repier Siaroha zatrymany za paviedamleńnie ab miniravańni samalota Maskva—Minsk
06.10.2016 / 12:20
Rep-vykanaŭca Siaroha paviedamiŭ pra miniravańnie samalota rejsa Maskva—Minsk, bo spaźniŭsia na pasadku. Pra heta paviedamiła rasijskim ŚMI krynica ŭ pravaachoŭnych orhanach rasijskaj stalicy.
«Zatrymanym akazaŭsia hramadzianin Biełarusi Siarhiej Parchomienka, jaki paśla dastaŭleńnia ŭ palicyju admoviŭsia ad skazanych im słoŭ, abvinavaciŭšy ŭ padmanie supracoŭnikaŭ avijakampanii», — skazaŭ pravaachoŭnik.
U čaćvier ranicaj supracoŭniki adnoj z avijakampanij paviedamili ŭ palicyju pra toje, što hramadzianin, jaki spaźniŭsia na rejs Maskva — Minsk, paviedamiŭ im, što na borcie samalota znachodzicca vybuchovaje prystasavańnie. Na momant paviedamleńnia samalot užo znachodziŭsia ŭ pavietry. Pasažyr byŭ zatrymany i dastaŭleny ŭ adździaleńnie transpartnaj palicyi. Pa prylocie ŭ Minsk samalot i bahaž pasažyraŭ buduć ahledžanyja.
Hamialčuk Siarhiej Parchomienka, viadomy jak repier Siaroha, prasłaviŭsia ŭ pačatku 2000-ch hadoŭ dziakujučy chitu «Čorny bumier».
Jak paviedamiła paźniej ahienctva BiełTA, paśla prylotu ŭ Minsk śpiecyjalisty zaviaršyli nadhlad pasažyraŭ i bahažu — vybuchovaha prystasavańnia na borcie łajniera nie akazałasia. Incydent nie paŭpłyvaŭ na štatnuju pracu Nacyjanalnaha aeraporta Minsk.
Pradziusar Siarohi paviedamiŭ, što śpievaka adpuścili. Pradziusar śćviardžaje, što Siaroha zajaŭ ab miniravańni nie rabiŭ.