U Mahilovie pa padazreńni ŭ karupcyi zatrymany supracoŭnik «Babulinaj krynki»
25.05.2017 / 21:21
U Mahilovie supracoŭniki ŭpraŭleńnia pa baraćbie z ekanamičnymi złačynstvami UUS Mahiloŭskaha abłvykankama zatrymali dvaich mahiloŭcaŭ: słužbovuju asobu AAT «Babulina krynka» i pradstaŭnika kamiercyjnaj struktury, jakija padazrajucca ŭ pieravyšeńni ŭłady abo słužbovych paŭnamoctvaŭ.
«U sakaviku 2014 hoda supracoŭnik «Babulinaj krynki» za košt ułasnych srodkaŭ z karyślivaj zacikaŭlenaści ŭ saŭdziele z pradstaŭnikom mahiloŭskaj kamiercyjnaj struktury arhanizavaŭ pastaŭku pa zavyšanym košcie sieparatara-małakaačyščalnika dla cecha dziciačaha charčavańnia pradpryjemstva» — paviedamiŭ načalnik UBEP UUS padpałkoŭnik milicyi Dźmitryj Ščadrakoŭ.
Zmoŭščyki dakumientalna aformili pastaŭki abstalavańnia praz šerah pasrednickich kamiercyjnych struktur, u vyniku čaho jaho rynkavy košt byŭ zavyšany amal na 30 000 rubloŭ.
Pravaachoŭniki ličać, što hety fakt złačynnaj dziejnaści — nie adzinkavy, i jak miarkujecca, ahulnaja suma škody pradpryjemstvu moža skłaści bolš za 700 000 rubloŭ
U dačynieńni da padazravanych raspačataja kryminalnaja sprava. Pakarańnie za pieravyšeńnie ŭłady abo słužbovych paŭnamoctvaŭ praduhledžvaje pazbaŭleńnie voli na termin da 10 hadoŭ z kanfiskacyjaj majomaści i z pazbaŭleńniem prava zajmać peŭnyja pasady. Padazravanyja ŭziatyja pad vartu.