Prajekt zabudovy Asmałoŭki praduhledžvaje jaje poŭny znos

14.06.2017 / 12:15

Ab praviadzieńni hramadskaha abmierkavańnia zabudovy Asmałoŭki abviaściła administracyja Centralnaha rajona Minska, piša Onliner.by.

Fota Siarhieja Hudzilina

Usie staryja dvuchpaviarchovyja damy ŭ rajonie vuł. Bahdanoviča — vuł. Kisialova — vuł. Kujbyšava — vuł. Kamunistyčnaja padlahajuć znosu. Zamiest ich źjaviacca novyja žyłyja damy vyšynioj 5-6 pavierchaŭ z ubudavanymi pamiaškańniami handlova-bytavoha pryznačeńnia z padziemnymi aŭtastajankami. Abodva kvartały źnituje krytaja hramadska-handlovaja vulica z padziemnymi aŭtastajankami (pasaž «Staražoŭski»).

Prajekt taksama zakranaje susiedni kvartał u miežach vuł. Bahdanoviča - vuł. Kisialova - vuł. Staravilenskaj - vuł. Kamunistyčnaj. Tam chočuć pabudavać 9-12-paviarchovy žyły dom i 4-5-paviarchovy ofisny budynak.

Prajekt budzie realizavany ŭ dva etapy.

Hramadskaje abmierkavańnie projdzie z 23 červienia pa 17 lipienia. Prezientacyja adbudziecca 26 červienia ŭ 18:30 u budynku administracyi Centralnaha rajona (vuł. Mielnikajcie, 6).