Navukoŭcy rasšyfravali nadpis na staražytnaj movie ŭzrostam 3200 hadoŭ
Nadpis na miortvaj łuvijskaj movie na kamiennaj plicie, jakuju znajšli ŭ 1878 hodzie ŭ Turcyi, narešcie rasšyfravany. Plita datujecca 1200 hodam da n. e.
11.10.2017 / 18:58
Sam artefakt praź niekatory čas paśla jaho znachodki byŭ stračany navukoŭcami, bo jaho vykarystali miascovyja žychary dla budavańnia miačeci. Ale navukoŭcy paśpieli zrabić kopiju nadpisu.
Tekst na plicie daŭžynioj 29 mietraŭ raspaviadaje pra staražytnuju dziaržavu Mira, jakaja znachodziłasia ŭ zachodniaj častcy sučasnaj Turcyi. Paviedamlajecca, u pryvatnaści, što vojski hetaje dziaržavy ździajśniali nabiehi na Blizkim Uschodzie, uziali pad kantrol Troju dy źniščyli Chieckuju impieryju.
Častka tekstu pryśviečanaja šlachu da ŭłady cara Kupantakuruntasa, čyj baćka zachapiŭ Troju paśla źviaržeńnia trajanskaha cara Vałmusa, ale nieŭzabavie adnaviŭ jahonaje praŭleńnie ŭ abmien na łajalnaść Troi da Miry. Kupantakuruntas staŭ kiraŭnikom Miry paśla śmierci baćki. Paśla hetaha jon usio ž zachapiŭ Troju.
Daśledčyki kažuć, što hetaje adkryćcio raskryvaje šmat zahadak, što datyčnyja rujnavańniu šerahu haradoŭ na Blizkim Uschodzie.