Natchnieńnie: instahram markietołaha Ryty Mikulič i jaje sabaki Ryčarda
Štotydzień my dzielimsia z vami tałkovymi profilami. Dla natchnieńnia i nie tolki. Kožnuju sieradu — novaja hierainia ci hieroj!
18.10.2017 / 11:51
Siońnia ŭ vypusku — instahram Ryty Mikulič pra luboŭ da žyvioł, knižak, vypiečki i raślin.
Ryta viadzie instahram z 2013 hoda, ale mienavita sa źjaŭleńniem sabaki ŭ domie jon zdabyŭ svaju razynku. Siońnia instahram zamianiaje Rycie amal usie inšyja sacsietki.
«Ryč źjaviŭsia ŭ nas na dzień kasmanaŭtyki ŭ 2014 hodzie. Znajšli my jaho pa niejkaj abjavie, dzie addavali ščaniatak za simvaličny košt. Tam byli biełyja i čornyja puchnatyja kamiački, i adzin šakaładny pryhažun. Chutka jon siadzieŭ u mamy na kaleniach u mašynie», — raskazvaje Ryta.
Ryčard staŭ sapraŭdnaj zorkaj instahrama i jaho lubiać nie mienš, čym parady Ryty pa vypiečcy ci pasty pra dohlad za saboj. Ryč, vidać, adčuvaje svaju papularnaść, tamu, kali jość nastroj, z zadavalnieńniem moža paziravać na kamieru.