Беларус заплаціў мільён даляраў, каб паўдзельнічаць у покерным турніры. І не выйграў нічога
Беларус Мікіта Бадзякоўскі прыняў удзел у покерным турніры The Big One for One Drop. Каб трапіць на яго, неабходна было заплаціць $1 мільён уступнага ўнёску.
17.07.2018 / 12:20
Турнір праходзіў у Лас-Вегасе. На яго запісаліся 27 чалавек.
Мікіта Бадзякоўскі.
Сума ўнёску складае мільён даляраў, але і перамога ў турніры абяцае вельмі вялікія прызавыя.
За першае месца пераможца атрымоўвае $10 мільёнаў, за другое — $6 мільёнаў, за трэцяе — $4 мільёны, за чацвёртае — $2,8 мільёна, за пятае — $2 мільёны.
Аднак беларус у выніку заняў толькі 18-е месца.