Lifenews: Cima Biełaruskich chavaje ad usich, što staŭ baćkam jašče ŭ 16 hadoŭ
15.02.2019 / 12:52
20-hadovy śpiavak Cima Biełaruskich staŭ baćkam, kali jamu było 16 hadoŭ. Pra heta paviedamlaje rasijski partał Super.ru (afilavany z Life.ru, Lifenews) sa spasyłkaj na znajomych artysta, jakija nibyta byli śviedkami jaho ramana z mamaj dziciaci ŭ Minsku.
Jon tady sustrakaŭsia ź dziaŭčynaj Janaj, a ŭ kancy 2015 hoda jana naradziła dačku. Dziaŭčynku nazvali Safija.
Dziaŭčynie na toj momant było 17, a Cimu — 16.
Cima Biełaruskich i Jana. Fota z sacyjalnych sietak.
Jakija jość dokazy stasunkaŭ? U Jany jość profil u instahramie, dzie jana vykładvała ich sumiesnaje ź Cimam fota. A na adnym ź ich jon navat z dačkoj. Maładaja mama padpisvaje fota ź dziaŭčynkaj «Safija Cimafiejeŭna».
Adnosiny Cima nibyta chavaje, bo baicca pieraśledu fanatak. Jania žyvie ŭ Minsku, byvaje ŭ Maskvie. Jana va ŭsim padtrymlivaje Cimu, ale jany nidzie i nikoli nie źjaŭlajucca razam.
«U Cimy hetaja tema — tabu», — patłumačyła situacyju pijarščyca muzykanta.