Anchieła Eśpinosa Ruis abaraniła pieršuju ŭ Ispanii dysiertacyju pa biełaruskaj litaratury
05.09.2019 / 12:04
4 vieraśnia ŭ Madrydzie na fiłałahičnym fakultecie najbujniejšaha ŭniviersiteta Ispanii — Univiersiteta Kamplutensie — adbyłasia paśpiachovaja abarona doktarskaj dysiertacyi Anchieły Eśpinosy Ruis. Tema dysiertacyi hučała tak: «Simvalizm narodnaha pachodžańnia ŭ prozie Jana Barščeŭskaha i Hustava Adolfa Bekiera», infarmuje ambasada Biełarusi ŭ Ispanii.
Heta pieršy vypadak abarony dysiertacyi pa biełaruskaj litaratury ŭ Ispanii, piša «Jeŭraradyjo».
Jan Barščeŭski — piśmieńnik-ramantyk XIX stahodździa, aŭtar knihi «Šlachcic Zavalnia». Hustava Adolfa Bekier — najbujniejšy ispanski piśmieńnik-ramantyk XIX stahodździa.
Ispanka Anchieła Eśpinosa Ruis šmat hadoŭ vyvučaje biełaruskuju movu i litaraturu, a taksama piša vieršy pa-biełarusku. Jana vydała try zborniki vieršaŭ na biełaruskaj movie, a taksama pierakłała na ispanskuju movu vieršy Maksima Bahdanoviča.
Darečy, padčas abarony dysiertacyi pradstaŭnik biełaruskaj ambasady ŭ Ispanii ŭručyŭ Aniechiele Eśpinosie Ruis padziaku Minkultury Biełarusi za značny asabisty ŭniosak u raźvićcio biełaruska-ispanskaha kulturnaha supracoŭnictva.