Były muž pryncesy Narviehii zrabiŭ sabie śmierć
26.12.2019 / 08:29
Piśmieńnik, mastak i były muž pryncesy Narviehii Marty Łuizy Ary Ben nakłaŭ na siabie ruki. Jamu było 47 hadoŭ, paviedamlajuć infarmahienctvy sa spasyłkaj na zajavu siamji.
Karol Narviehii Charald V i jaho žonka Sonia vykazali spačuvańni ŭ suviazi sa śmierciu Bena. Jany adznačyli, što jon šmat hadoŭ byŭ važnaj častkaj ich siamji.
Ary Ben naradziŭsia ŭ 1972 hodzie ŭ Danii. Jon debiutavaŭ u jakaści piśmieńnika ŭ 1999 hodzie. Ben vypuściŭ try ramany, dva zborniki apaviadańniaŭ, niekalki pjes. Jon ažaniŭsia z Martaj Łuizaj u 2002 hodzie, adnak ŭ 2016 hodzie para raźviałasia. U ich troje dziaciej.
Apošnim tvoram piśmieńnika stała kniha «Infierna». Ben paviedamlaŭ, što jana adlustroŭvaje jaho ŭnutrany stan.