Hanna Bond pažartavała pra Kanapackuju i šaŭrmu, a fejsbuk vydaliŭ dopis paśla čyjojści skarhi
17.07.2020 / 22:15
Niekalki dzion tamu Hanna Bond apublikavała ŭ sacsietkach fota z kiebabnaj, dzie staić žančyna ŭ čyrvonaj sukiency, da dziŭnaha padobnaja da Hanny Kanapackaj.
«Ciapier ja bačyła ŭsio. Łaźnia ŭ budzionaŭcy, a na desiert kiebab. Čyj kandydat?» — padpisała zdymak Bond.
A praz čas fejsbuk niečakana vydaliŭ hety post.
«Pryjšło paviedamleńnie, što na maju publikacyju pastupiła skarha. Jaje razhledzieli i post prybrali. Fejsbuk zachoŭvaje kanfiedencyjnaść «šaściorak». Ja, kaniečnie, nie mahu śćviardžać, što heta Kanapackaja, ale kamu heta jašče treba?» — padzialiłasia błohier.
Jana zrabiła druhi dopis, dzie namiaknuła na dačynieńnie kandydatki da «začystki» staronki. Ale i jaho fejsbuk vydaliŭ.
Ckrynšot, dasłany Hannaj Bond.
Paśla zvarotu Bond u słužbu padtrymki fota z kiebabnaj usio ž viarnuli.
Sama Hanna Kanapackaja admoviłasia kamientavać «Našaj Nivie» hetyja čutki.