«Heta nieprymalna». Šerah krain praciahvaje vykazvacca nakont vybaraŭ u Biełarusi i akcyj pratestu
10.08.2020 / 17:47
Fota Nadziei Bužan.
Šerah krain i pradstaŭnikoŭ Jeŭrapiejskaha sajuzu praciahvajuć vykazvacca z asudžeńniem nakont vybaraŭ prezidenta Biełarusi i padziejach, jakija adbyvalisia ŭ noč z 9 na 10 žniŭnia, piša «Viasna». Urad FRH, MZS Litvy i Čechii zajaŭlajuć, što vybarčy praces u Biełarusi nie adpaviadaŭ mižnarodnym abaviazalnictvam krainy i ahulnapryniatym demakratyčnym standartam. Taksama jany zaklikajuć biełaruskija ŭłady admovicca ad praźmiernaj siły suprać mirnych demanstrantaŭ.
Urad FRH: My asudžajem prymianieńnie siły suprać mirnych demanstrantaŭ
Jak piša TASS, aficyjny pradstaŭnik kabinieta ministraŭ FRH Štefien Zajbiert vykazaŭsia, što padčas hałasavańnia ŭ Biełarusi nie vykonvalisia navat minimalnyja standarty praviadzieńnia demakratyčnych vybaraŭ, što nieprymalna.
«Vidavočna, što padčas prezidenckich vybaraŭ tam [u Biełarusi] nie vykonvalisia minimalnyja standarty demakratyčnych vybaraŭ. Na naš pohlad, heta nieprymalna», — skazaŭ jon. — Šmatlikija paviedamleńni ab sistematyčnych parušeńniach vartyja davieru. U hetaj suviazi vyklikaje vialikaje škadavańnie, što Biełaruś nie padała nijakaj mahčymaści pracavać naziralnikam ABSIE», — śćviardžaŭ Zajbiert. Pa jaho słovach, «pieraškody čynilisia i biełaruskim naziralnikam».
«Palityčnaje kiraŭnictva krainy pavinna pryniać volu naroda. My asudžajem prymianieńnie siły suprać mirnych demanstrantaŭ na vulicach Minska i ŭ inšych nasielenych punktach krainy, my asudžajem taksama šmatlikija zatrymańni, u tym liku žurnalistaŭ, i abmiežavańni dostupu da Internetu», — zajaviŭ pradstaŭnik Kabmina FRH.
Pradstaŭnik urada FRH zajaviŭ, što Jeŭrasajuz maje namier abmierkavać, jak adreahavać na prezidenckija vybary, jakija prajšli ŭ Biełarusi, i vypracavać ahulnuju pazicyju pa situacyi ŭ krainie.
«My razam z našymi jeŭrapiejskimi partniorami pierad hetymi vybarami zaklikali pravieści ich sumlennym i spraviadlivym čynam», — nahadaŭ Zajbiert.
«Urad FRH zaklikaje palityčnaje kiraŭnictva krainy zabiaśpiečyć prava žycharoŭ Biełarusi na schody, svabodu vykazvańnia mierkavańnia i atrymańnie infarmacyi», — skazaŭ jon.
MZS Litvy: Zaklikajem biełaruskija ŭłady nieadkładna spynić palityčna matyvavanyja pieraśledy apanientaŭ
Z zajavaj ab tym, što prezidenckija vybary ŭ Biełarusi nie adpaviadali mižnarodnym abaviazalnictvam krainy i ahulnapryniatym demakratyčnym standartam, a taksama nie byli svabodnymi i spraviadlivymi, vystupiła Ministerstva zamiežnych spraŭ Litvy, piša tut.by.
«Urad Biełarusi ŭ čarhovy raz nie zabiaśpiečyŭ pavahu pravoŭ i svabod čałavieka, prakaciłasia chvala represij suprać hramadzianskaj hramadskaści, palityčnych aktyvistaŭ, kandydataŭ na pasadu prezidenta, srodkaŭ masavaj infarmacyi. Prymianieńnie praźmiernaj siły suprać mirnych demanstrantaŭ kateharyčna nieprymalna i padlahaje asudžeńniu», — havorycca ŭ zajavie.
Źniešniepalityčnaje viedamstva Litvy taksama adznačaje, što Biełaruś u parušeńnie svaich abaviazacielstvaŭ nie stvaryła ŭmovaŭ dla pracy mižnarodnych i niezaležnych naziralnikaŭ za vybarami.
«My zaniepakojenyja tym, što zakliki Litvy i mižnarodnaj hramadskaści spynić represii i zabiaśpiečyć umovy dla prazrystych vybaraŭ byli praihnaravanyja. My zaklikajem biełaruskija ŭłady nieadkładna spynić palityčna matyvavanyja pieraśledy apanientaŭ, vyzvalić usich niezakonna zatrymanych, pavažać pravy i svabody čałavieka», — adznačajuć u MZS Litvy.
Litva zacikaŭlenaja ŭ raźvićci dobrasusiedskich adnosin, zasnavanych na ŭzajemnaj pavazie i daviery. Adnak heta zaležyć taksama ad voli i dziejańniaŭ susiedniaj krainy.
Jak paviedamlaje «Radyjo Svaboda», mižfrakcyjnaje deputackaje abjadnańnie ŭ Viarchoŭnaj Radzie Ukrainy «Za demakratyčnuju Biełaruś» zaklikała svaich kalehaŭ nie pryznavać vyniki vybaraŭ prezydenta ŭ Biełarusi.
MZS Čechii: Vybary ŭ Biełarusi nielha ličyć svabodnymi i demakratyčnymi
Ministerstva zamiežnych spraŭ Čechii taksama nazvała biełaruskija prezidenckija vybary niedemakratyčnymi. Zajavu viedamstva pryvodzić TASS.
«MZS Čechii vykazvaje zaniepakojenaść z nahody chodu ciapierašnich prezidenckich vybaraŭ u Biełarusi, [jakija] nielha ličyć svabodnymi i demakratyčnymi», — havorycca ŭ tekście dakumienta.
Tam ža śćviardžajecca, što biełaruskija siłaviki dazvolili sabie niedapuščalnyja dziejańni, dušačy pratesty hramadzian, a dziaržava ihnaruje hramadskuju padtrymku apazicyi. Asobna ŭ češskim MZS panarakali na toje, što ŭłady Biełarusi nie dapuścili na hałasavańnie naziralnikaŭ ABSIE.
Deputat Jeŭraparłamienta: Vybarčy praces nie adpaviadaje minimalnym mižnarodnym standartam
Z krytykaj biełaruskich uładaŭ vystupiŭ deputat Jeŭraparłamienta, staršynia delehacyi Jeŭrapiejskaha parłamienta ŭ Parłamienckaj asamblei Jeŭranest Andrus Kubilius. Jon zaklikaŭ ES i jaho zachodnich partnioraŭ zapatrabavać u Łukašenki pravieści prazrysty padlik hałasoŭ abo novyja svabodnyja i sumlennyja vybary i vyzvalić usich palitviaźniaŭ.
«Sfalsifikavanyja ličby, abvieščanyja režymam Łukašenki, nie adlustroŭvajuć demakratyčnuju volu naroda Biełarusi. Vybarčy praces, jakim kiravaŭ režym Łukašenki, nie adpaviadaje minimalnym mižnarodnym standartam vartaha davieru pracesu, demakratyi, prazrystaści i viaršenstva zakona.
Łukašenka sprabuje skraści demakratyčnyja, svabodnyja i sumlennyja vybary. Jon skraŭ kandydataŭ, siabraŭ vybarčych kamisij, niezaležnych naziralnikaŭ, i jon sprabuje skraści hałasy i suvierenitet u naroda. Skradzienyja vybary treba viarnuć narodu Biełarusi, a Biełaruś viarnuć u jeŭrapiejskuju siamju», — skazaŭ jeŭradeputat.
Raniej premjer-ministr Polščy Mateuš Maraviecki vystupiŭ ź inicyjatyvaj pravieści nadzvyčajny samit Jeŭrapiejskaha sajuza, pryśviečany situacyi ŭ Biełarusi paśla niadaŭnich prezidenckich vybaraŭ.
Z zaklikam da biełaruskaj milicyi vyzvalić usich aryštavanych z nočy 9 na 10 žniŭnia vykazaŭsia prezident Łatvii.
Nieadkładna vyzvalić usich zatrymanych ciaham minułaj nočy zaklikali Viarchoŭny pradstaŭnik Jeŭrapiejskaha Sajuzu ŭ zamiežnych spravach i palitycy biaśpieki, vice-prezident Jeŭrakamisii Žazep Barel i kamisar pa pytańniach dobrasusiedstva i pašyreńnia ES Olivier Varhiej.