Валанцёры, якія дапамагалі каля ЦІП на Акрэсціна, сталі згортваць лагер

19.08.2020 / 17:25

Фота Дар'і Буракінай

Валанцёры, якія на Акрэсціна арганізавалі «гарадок» дапамогі для затрыманых падчас акцый пратэсту, пачалі прыбіраць лагер. Яго, удакладнілі суразмоўцы, не прыбіраюць цалкам, а толькі скарачаюць — змяншаюць колькасць валанцёраў, мэблю, абсталяванне, піша Tut.by

Прычына, кажуць валанцёры, у тым, што амаль усе затрыманыя адпушчаныя, і таму каля ЦІП амаль не засталося сваякоў. Тым не менш ля ізалятара застаюцца меддапамога, адвакаты, палявая кухня, псіхолагі — але мінімум прадстаўнікоў.

Як распавядалі раней валанцёры, «гарадок» дапамогі пачаў фармавацца ў канцы мінулага тыдня. Тут працавала некалькі сектараў — палявая кухня, псіхолагі, медыкі, адвакаты. Вадзіцелі прапаноўвалі бясплатна адвезці дадому. Акрамя таго, людзі тут маглі пагаварыць са святарамі розных канфесій. Падтрымку тут атрымлівалі затрыманыя, якія выходзяць на свабоду, іх родныя і тыя, хто, адседзеўшы ў камеры некалькі сутак, зноў вяртаецца да сцен цэнтра.