Pamior pieršy premjer-ministr Biełarusi Viačasłaŭ Kiebič: karanavirus
abnoŭlena
09.12.2020 / 12:20
Uranicy 9 śniežnia pamior pieršy premjer-ministr niezaležnaj Biełarusi Viačasłaŭ Kiebič. Jamu było 84 hady.
26 listapada jon zachvareŭ na karanavirus, znachodziŭsia ŭ balnicy. Infarmacyi pra pachavańnie pakul niama.
Pra heta «Našaj Nivie» paviedamiŭ syn Viačasłava Kiebiča.
Viačasłaŭ Kiebič, fota Alaksandra Vasiukoviča, Tut.by
Viačasłaŭ Francavič Kiebič naradziŭsia 10 červienia 1936 hoda na Vałožynščynie.
Skončyŭ Biełaruski politechničny instytut. Byŭ dyrektaram Minskaha stankabudaŭničaha zavoda imia Kirava, druhim sakratarom Minskaha haradskoha kamiteta, a zatym — abłasnoha kamiteta KPB.
U 1985-1990-ch — namieśnik staršyni Savieta Ministraŭ BSSR — staršynia Dziaržpłana BSSR. U 1990-1994 hadach — staršynia Saŭmina BSSR i niezaležnaj Respubliki Biełaruś.
Prajhraŭ prezidenckija vybary Łukašenku letam 1994 hoda. Syšoŭ u adstaŭku 21 lipienia 1994 hoda.
Z 1996 hoda pa 2004 hod Viačasłaŭ Kiebič źjaŭlaŭsia deputatam Pałaty pradstaŭnikoŭ Nacyjanalnaha schodu
Admietna, što 29 hadoŭ tamu, 8 śniežnia 1991 hoda, razam sa Stanisłavam Šuškievičam ad imia Biełarusi padpisaŭ Biełaviežskaje pahadnieńnie ab likvidacyi SSSR.