Фазель: Будзем рабіць усё магчымае, каб чэмпіянат свету адбыўся ў Мінску
29.12.2020 / 18:17
Кіраўнік Міжнароднай федэрацыі хакея (ІІХФ) Рэнэ Фазель паведаміў РИА Новости, што сустрэнецца з Лукашэнкам у студзені 2021 года, каб абмеркаваць падрыхтоўку да маючага адбыцца чэмпіянату свету.
«Я прыеду ў Беларусь пасля Раства. Гэта будзе пасля 7 студзеня. Візіт запланаваны, і ён адбудзецца, на 100% у гэтым упэўнены. Я сустрэнуся з Аляксандрам Лукашэнкам, і мы абмяркуем сітуацыю, будзем рабіць усё магчымае, каб чэмпіянат свету адбыўся ў Мінску. Для гэтага прыкладзём усе намаганні», — сказаў Фазель па тэлефоне.