«Тэсла» ўпершыню спрацавала з гадавым прыбыткам
Кампанія «Тэсла» апублікавала сваю гадавую статыстыку і план на рэзкае павелічэнне вытворчасці ў бліжэйшыя гады. Попыт на электрамабілі расце, а пастаўкі дасягаюць рэкорднага ўзроўню.
28.01.2021 / 15:02
Фота Depositphotos.com
Галоўны дырэктар кампаніі Ілан Маск заявіў, што сёлета плануецца павелічэнне паставак як мінімум на 50%. Летась кампанія паставіла кліентам агулам каля паўмільёна аўтамабіляў.
Гадавы прыбытак кампаніі склаў $721 мільён, а абарот дасягнуў $31,5 мільярда, паведамляе The Wall Street Journal.
Вынікі дзейнасці кампаніі на працягу 17 гадоў прывялі да таго, што летась акцыі кампаніі выраслі больш, чым на 700% і ператварылі кампанію ў самага дарагога вытворцу аўтамабіляў у свеце.