Zamiest Naskieviča staršynioj Śledčaha kamiteta staŭ Dźmitryj Hara, jaki 26 hadoŭ słužyŭ u KDB
U Biełarusi novy kiraŭnik Śledčaha kamiteta. Ivan Naskievič adpraŭleny ŭ adstaŭku.
11.03.2021 / 11:29
Fota Hienprakuratury
Novym kiraŭnikom SK staŭ Dźmitryj Hara — były namieśnik hienieralnaha prakurora.
Jon naradziŭsia ŭ Tbilisi ŭ 1970 hodzie. U 1993 hodzie skončyŭ Vajenny instytut u Maskvie, u 2018 — Akademiju kiravańnia pa śpiecyjalnaści «Dziaržaŭnaje kiravańnie i ekanomika».
Ź vieraśnia 1993 hoda — śledčy, staršy śledčy, staršy śledčy pa asabliva važnych spravach, načalnik śledčaha adździeła ŭpraŭleńnia KDB pa Bresckaj vobłaści. Ź listapada 2009 hoda da pryznačeńnia na hetu pasadu — načalnik śledčaha ŭpraŭleńnia KDB Respubliki Biełaruś.
Pa našych źviestkach, mienavita Dźmitryj Hara ŭ minułym hodzie ŭznačaliŭ mižviedamasnuju kamisiju pa praviercy faktaŭ ździekaŭ i žorstkaha abychodžańnia padčas zatrymańnia hramadzian, jakaja była stvorana paśla vybaraŭ.