Były aficer HUBAZiKa Stanisłaŭ Łupanosaŭ: Supracoŭnikaŭ praviarajuć na palihrafie, ci hałasavali za Łukašenku
Pra heta padpałkoŭnik milicyi Stanisłaŭ Łupanosaŭ, jaki zvolniŭsia z HUBAZiKa i źjechaŭ va Ukrainu, raspavioŭ u razmovie z TUT.BY.
26.03.2021 / 15:57
Na pytańnie, ci byŭ strach unutry sistemy, što Łukašenka moža stracić uładu, jon adkazaŭ:
— Strachu nie było, ja b skazaŭ, što była niaŭličanaja nadzieja, u vačach supracoŭnikaŭ heta čytałasia. Bajalisia chiba što tyja, na kaho jość kampramat, im sapraŭdy jość što hublać. A naohuł kala 400 supracoŭnikaŭ tolki centralnaha aparata MUS pastavili svoj podpis za Viktara Babaryku, heta surjoznaja ličba. Ich proźviščy daviedalisia ź śpisaŭ, jakija abličbavali supracoŭniki jaho štaba.
Zaraz z supracoŭnikami, jakija padpisalisia za Babaryku, nie praciahvajuć kantrakty. Toje ž samaje adbyvajecca z tymi, chto nie prachodzić palihraf. Paśla vybaraŭ pačali zadavać pytańnie, ci hałasavali vy za Łukašenku.