Try sposaby palepšyć pracu serca
Treniroŭki prafiesijnych spartsmienaŭ mohuć padacca niepasilnymi dla zvyčajnych ludziej. Adnak heta nie zusim tak. Pierajmańnie niekatorych stratehij spartsmienaŭ moža dapamahčy palepšyć pracu serca.
31.03.2021 / 09:07
Fota Nadziei Bužan
Niekatoryja daśledavańni vyjavili, što karanavirus moža vyklikać prablemy z sercam. Adnak nazirańnie za 800 prafiesijnymi spartsmienami, jakija pierachvareli na kavid, pakazała, što prablemy z sercam mieli tolki mienš za 1% spartsmienaŭ, piša CNN.
Heta čarhovy raz paćviardžaje važnaść fizičnaj nahruzki, asabliva dla pracy serca. Mała chto moža dazvolić sabie treniravacca pa raskładzie prafiesijnych spartsmienaŭ, ale niekatoryja stratehii, karysnyja dla serca, možna ź lohkaściu prymianić u žyćci.
Voś try sposaby dla ŭzmacnieńnia serca, jakimi karystajucca spartsmieny:
1. Addavajcie pieravahu intervalnym treniroŭkam.
Dla taho, kab skinuć vahu abo źmienšyć ryzyku sardečna-sasudzistych zachvorvańniaŭ, ludzi časta addajuć pieravahu kardyjatreniroŭkam. Jany, biezumoŭna, prynosiać šmat karyści arhanizmu. Adnak spartsmieny redka pravodziać hadziny na biehavoj darožcy ci viełatrenažory.
Bolšaść prahram spartsmienaŭ nie pierahružanaja kardyjatrieniroŭkami abo bieśpierapynnymi praktykavańniami siaredniaj intensiŭnaści. Čaściej za ŭsio pieravaha addajecca intervalnym treniroŭkam, jakaja čarhuje vysokaintensiŭnyja praktykavańni z bolš lohkaj i pavolnaj aktyŭnaściu.
Jość šmat navukovych dokazaŭ tamu, što vysokaintensiŭnyja intervalnyja treniroŭki bolš za inšyja fizičnyja nahruzki spryjajuć palapšeńniu pracy serca.
2. Nie zabyvajciesia pra adpačynak.
Adpačynak i pieryjad adnaŭleńnia arhanizma adnolkava važnyja jak dla prafiesijnych spartsmienaŭ, tak i dla zvyčajnych ludziej. Fizičnaja forma čałavieka šmat u čym zaležyć ad zdolnaści myšcaŭ adnaŭlacca. I sardečnaja myšca nie vyklučeńnie.
Dobry son važny nie tolki dla ŭzroŭniu enierhii, ale i dla pracy serca. Darosłyja, jakija śpiać mienš za siem hadzin štonoč, mohuć mieć prablemy sa zdaroŭjem, jakija paśla pryvodziać da surjoznych sardečnych zachvorvańniaŭ.
Tamu varta rabić zdarovy son pryjarytetam i imknucca palapšać jakaść snu.
3. Prytrymlivajciesia zdarovaha padychodu da charčavańnia.
Niama prafiesijnaha spartsmiena, jaki b nie nadavaŭ šmat uvahi charčavańniu. Pravilnaja ježa nie tolki daje nam enierhiju, ale i padtrymlivaje cieła zdarovym, u tym liku serca.
Mienavita tamu ŭ racyjon varta ŭklučać pradukty, bahatyja na Amieha-3, hałoŭnaj krynicaj jakich źjaŭlajecca ryba. Nie treba zabyvacca pra białok, asabliva raślinnaha pachodžańnia. Taksama varta ŭžyvać bolš aharodniny i sadaviny.
Da taho ž, ekśpierty rajać abmiežavać užyvańnie nasyčanych tłuščaŭ i zamianiać ich na bolš karysnyja pradukty.
Taksama nielha zabyvacca pra svaju štodzionnuju normu čystaj vady, bo biez dastatkovaj hidratacyi kroŭ zhuščajecca, a heta vyklikaje vialikuju nahruzku na serca.