Chłopcu, jaki naviedaŭ mitynh jabaciek va Uruččy i atrymaŭ 15 sutak, dadali jašče 15 sutak aryštu
16.05.2021 / 12:41
27 krasavika zatrymali 31-hadovaha stendapiera Ciarencija Maryniča. Na chłopca skłali pratakoł za drobnaje chulihanstva pa art. 19.1 KaAP, jakoje jon nibyta ździejśniŭ užo na terytoryi Pieršamajskaha RUUS. Za heta sudździa Anastasija Lajkoŭskaja aryštavała Maryniča na 15 sutak.
Jak pišuć pravaabaroncy, 15 maja stała viadoma, što Ciarencija tajemna asudzili ŭ vychodny dzień 10 maja ŭžo pa novym pratakole pa art. 19.10 KaAP (Prapahanda ci publičnaja demanstracyja, vyrab, raspaŭsiud nacysckaj simvoliki ci atrybutyki). Vynik — 15 sutak.
Ahułam na sutkach Marynič praviadzie amal miesiac.