Niderłandski premjer na sustrečy ź Cichanoŭskaj: Režym panikuje ŭ svaim bunkiery, my budziem praciahvać cisk
Siońnia Śviatłana Cichanoŭskaja znachodzicca ŭ Niderłandach z adnadzionnym rabočym vizitam. Jana sustrełasia z premjer-ministram Markam Rute i ministram zamiežnych spraŭ Niderłandaŭ Sihryd Kaah i praviała ź imi sumiesnuju pres-kanfierencyju.
28.05.2021 / 19:05
«Režym panikuje, heta fakt. Toje, što jon zrabiŭ z samalotam, źjaŭlajecca biesprecedentnym učynkam. I heta dokaz taho, što jany panikujuć u svaim bunkiery. My budzie praciahvać cisk i budziem z usich sił bić pa ich balučych miescach: pa ich statusie, pa ich stanoviščy, pa ich kašalkach, pa ŭsim», — zajaviŭ na pres-kanfierencyi premjer-ministr Mark Rute.