Hienprakuratura vyniesła papiaredžańnie redaktaru «Novaha Času»
Hienprakuratura paviedamlaje, što ŭ ramkach nahladu za vykanańniem Zakona ab ŚMI praviała manitorynh tematyki publikacyj haziety «Novy Čas».
31.05.2021 / 18:33
Hałoŭny redaktar vydańnia Aksana Kołb, novychas.by
Paviedamlajecca, što aŭtary publikacyj vykarystoŭvali peŭnyja vyrazy i abaroty movy, jakija «spryjali nahniatańniu napružanaści ŭ hramadstvie, raspalvańniu nianaviści i varožaści ŭ dačynieńni da pradstaŭnikoŭ ułady, supracoŭnikaŭ pravaachoŭnych orhanaŭ jak asobnych sacyjalnych hrup nasielnictva».
Pakolki nazvanyja publikacyi supiarečyli patrabavańniam nacyjanalnaha zakanadaŭstva ab supraćdziejańni ekstremizmu, namieśnik hienprakurora abviaściŭ redaktaru haziety «Novy Čas» aficyjnaje papiaredžańnie ab niedapuščalnaści parušeńnia zakona.
Razmova idzie pra nastupnyja publikacyi: artykuł Siarhieja Sałaŭjova «Nie vielmi zaŭvažnaje, ale važnaje» (№8, 26.02.2021), ARTYKUŁ S.Pulšy «Dymavaja zasłona z nastupstvami» (№14, 09.04.2021), artykuł A.Kołb «Składaniej za ŭsio prymać biezzakońnie» (№14, 09.04.2021).