Kiraŭnik Hrodzienskaj vobłaści raskazaŭ, jak reahuje na krytyku ŭ internecie
Uładzimir Karanik sprabuje vieści staronku ŭ fejsbuku, pakul u jaho 1329 padpisantaŭ, dopisy zvyčajna źbirajuć kala 200 łajkaŭ.
21.08.2021 / 16:41
Dziaržaŭnyja žurnalisty spytali, jak čynoŭnik reahuje na krytyku ŭ kamientarach.
«Na takija kamientary ja prosta nie reahuju, — zajaviŭ Karanik. — Kali rehistravaŭsia ŭ fejsbuku, razumieŭ, z čym daviadziecca sutyknucca. Paśpiachovy čałaviek, jaki žyvie spakojnym žyćciom, jak praviła, nie budzie hublać čas na napisańnie nieprymalnych kamientaroŭ. Jak pakazvaje dośvied, pad publikacyjami ŭ maim akaŭncie pišuć dźvie katehoryi ludziej, u tym liku tyja, chto nie moža znajści siabie ŭ žyćci i pravodzić čas kala manitora ŭ razvahach, što ci kaho jašče pakrytykavać. Jość i tyja, chto takim čynam sprabuje zrabić sabie imia. Razam z tym, jość i tyja, chto piša z dobrymi namierami, jość davoli zvyčajnyja kamientary, dzie ludzi dziakujuć i źviartajucca z prośbami i pytańniami».