«Śmiechapanarama». Što dumajuć pra svoj sud fihuranty «spravy Cichanoŭskaha»

Udzielniki zakrytaha suda ŭ Homieli prakamientavali praces, jaki pačaŭsia 24 červienia.

08.09.2021 / 10:39

Darja Łosik, žonka błohiera Ihara Łosika, paviedamiła naviny.online, što muž u listach nazyvaje sud «śmiechapanaramaj» i chodzić na pasiadžeńnia ŭ mascy, kab schavać uśmiešku: «Biare słova «sud» u dvukośsi, tamu što heta sudzilišča».

Siarhiej Cichanoŭski piša ź SIZA, što sud budzie doŭžycca, mahčyma, da listapada. Ličyć, što na Novy hod užo nie budzie ŭ Homieli.

Apieratar błohiera Arciom Sakaŭ piša: «Kali ja taki «złačyniec», to niachaj dajuć najvyšejšuju mieru pakarańnia. Miarkujučy pa tym, jak prachodziać budni, razumieješ, što tabie pakazvajuć usieahulnuju zacikaŭlenaść u adterminoŭcy».

Mikałaj Statkievič nie naviedvaje pasiadžeńni: jon sam damahaŭsia hetaha ad suda, a zatym byŭ vydaleny da sprečak bakoŭ.

Sud u Homielskim SIZA-3 pačaŭsia 24 červienia. Sudziać błohieraŭ Ihara Łosika, Siarhieja Cichanoŭskaha, Uładzimira Cyhanoviča, palityka Mikałaja Statkieviča, apieratara Arcioma Sakava, maderatara sacyjalnych sietak Dźmitryja Papova.