Aryšt fiłosafa Mackieviča praciahnuli na miesiac, jaho paplečniki viaduć u fejsbuku pryśviečanuju jamu staronku
Filozafu i metadolahu Ŭładzimieru Mackieviču padoŭžyli termin znachodžańnia pad vartaj jašče na miesiac, paviedamlaje Svaboda.
05.10.2021 / 16:15
Takim čynam, jon prabudzie za kratami najmieniej da 4 listapada. Pravaabaroncy pryznali jaho palityčnym źniavolenym.
Uładzimiera Mackieviča aryštavali sioleta ŭ pačatku žniŭnia. Jaho abvinavačvajuć u arhanizacyi i padrychtoŭcy dziejańniaŭ, jakija hruba parušajuć hramadzki paradak.
Tady ž zatrymali i šerah inšych pradstaŭnikoŭ niaŭradavych arhanizacyj, ale balšyniu paśla pieratrusaŭ, dopytaŭ i papiaredniaha ŭtrumańnia adpuścili.
Paplečniki Ŭładzimiera Mackieviča stvaryli i rehularna abnaŭlajuć staronku #Filozaf_u_turmie ŭ Facebook. Tym časam u mienskim SIZA №1 jaho pryznali schilnym da ekstremizmu.
Uładzimier Mackievič — filozaf i metadolah, hramadzki dziejač, televiadoŭca. Zasnavalnik i kiraŭnik Ahienctva humanitarnych technalohijaŭ, pieršy kiraŭnik Rady Mižnarodnaha kansorcyjumu «EŭraBiełaruś» (mižnarodnaja hramadzkaja arhanizacyja, stvoranaja pradstaŭnikami NDA ŭ 2007 hodzie i zarehistravanaja ŭ Litvie ŭ 2009 hodzie), zasnavalnik prahramy stvareńnia «Latučaha ŭniversytetu».