«Жыць жа на нешта трэба». Павел Аракелян прадае свае музычныя інструменты
Джазмен Павел Аракелян прадае свае музычныя інструменты. Тэнар-саксафон ужо прадаў, засталіся сапрана, труба і флюгельгорн.
18.10.2021 / 14:40
Фота з фэйсбука
Пасля 9 жніўня 2020 года Аракелян закінуў і другую сваю працу — фітнес-трэнерам. «Жыць ранейшым жыццём стала немагчыма. Па-іншаму глядзіш на рэчы. Са жніўня навокал катуюць і забіваюць, а тут людзі працягваюць качаць попы і біцэпсы, як быццам нічога і не было», — казаў тады ён.
А пра свае інструменты сёння кажа «Еўрарадыё» так: «У Беларусі з музыкай цяпер усё цалкам спынена. А жыць жа на нешта трэба. Таму вымушана пакуль прадаю інструменты. А там будзе відаць».