Michałok pra bojku ŭ Pałtavie: Tak trošku jaho badanuŭ i pajšoŭ dalej kancert vieści
20 kastryčnika biełaruski muzykant padčas kancerta ŭdaryŭ hledača, jaki padyšoŭ da sceny i pradjaŭlaŭ jamu pretenzii. Na Michałka zaviali kryminalnuju spravu pa artykule «Chulihanstva».
26.10.2021 / 15:00
Siarhiej Michałok u svaim videa skazaŭ, što źviartajecca vyklučna da fanataŭ Brutto, a nie źviartajecca da šyrokaj hramadskaści, heta nie tłumačeńni dla orhanaŭ i nie dla «lidaraŭ mierkavańniaŭ»: «Ja nie razmaŭlaju ni z kurycami, ni ź pieŭniami — nie viedaju ptušynaj movy», — dadaŭ Michałok.
A dla «chłopcaŭ i dziaŭčat» Michałok raspavioŭ nastupnaje:
‒ Išoŭ tam moj užo 7800-y niejki tam kancert u Pałtavie. Kancerty Lapisaŭ — heta interaktyŭnaje šou. Šmat bufanady, impravizacyi, na chadu niešta tam robim.
Ja niejak razmaŭlaŭ ź ludźmi ź pieršaha šeraha. Niejkija pryjemnyja intelihientnyja ludzi. Ja časam da ich apieluju. Viartajusia, hladžu: ich niama, maich lubimych. A siadziać paru chłopcaŭ, imitujuć, što zasumavali. Nu dumaju, oho, ja vas užo nie adpušču. Staŭ ich padkołvać, typu padušačku padać. Achova ich stała advodzić.
Ja hladžu, u adnaho «švajka». Kažu: «Dyk davajcie jaho na scenu». Ja sam pačynaŭ jak vuličny muzyka. Dumaju, ciapier zrobim duel.
Čuvak vychodzić na scenu. Ja ŭ vušnych manitorach. Ja razumieju, što jon niešta tam hrubaje kryčyć, ale słoŭ nie mahu razabrać. Kali jon vychodzić na scenu, ja baču, što jon naohuł nijaki. Jura. Ja jamu šapču ŭ vucha: «Dastavaj «švajku», a potym ja niešta zajhraju». Jon pačynaje maciukacca. Na scenie moj syn, kuča aparatury. Achoŭniki stajać. Ja ž jak by skazaŭ: «Ja sam raźbiarusia».
Nu, uvohule, jon chamanuŭ, niešta dziorzkaje skazaŭ. Ja dumaju: nu, majo pracoŭnaje miesca, ludzi hladziać. My — Brutto Nostra, ja — Michałok. Nu jak by imidž abaviazvaje — fight i ŭsie spravy.
Tak cichieńka jaho badanuŭ. Jon bolš navat nie ad udaru, a niejak… Ja nie budu apraŭdvacca. Daŭ byčka — u nas heta nazyvajecca. Va Ukrainie heta nazyvajecca «na Adesu adpraviŭ». I pajšoŭ dalej kancert vieści.
Ja hetamu kanfliktu nie nadavaŭ nijakaha značeńnia. Jura zastaŭsia na kancercie. Potym palicyja pryjazdžała — jon nijakich pretenzij nie mieŭ. Jon siadzieŭ u zale. Ja potym ź im razmaŭlaŭ. Kažu: «Jura, ciahni siudy, moža chočaš satysfekšn? Ja ruki prybiaru za śpinu, uvališ mnie». Nijakich pretenzij jon nie mieŭ. Skazaŭ, pryjšoŭ pieśniu pakazać, prosta pierapiŭ i h.d., — raspavioŭ Michałok.
Ukrainskaja palicyja zaviała kryminalnuju spravu pa artykule «chulihanstva». Maksimalnaja sankcyja pa hetym artykule składaje piać hadoŭ abmiežavańnia voli. Siarhiej Michałok źjaŭlajecca zasłužanym artystam Ukrainy.