Chakiery śćviardžajuć, što ŭzłamali bazu Fondu sacyjalnaj abarony nasielnictva. Jany apublikavali danyja pa najbližejšym kole Łukašenki
U paćvierdžańnie byli apublikavanyja vypiski z bazy na vysokapastaŭlenych čynoŭnikaŭ, a taksama ludziej ź bližejšaha koła Łukašenki.
01.11.2021 / 11:46
U bazie FSAN zachoŭvajucca nastupnyja źviestki: proźvišča, imia, poł, uzrost, adras, numar pašpartu i identyfikacyjny numar, UN, miesca pracy, suma vypłačanych padatkaŭ. U fond vypłačvajucca abaviazkovyja strachavyja ŭznosy, uznosy na prafiesijnaje piensijnaje strachavańnie i šerah inšych płaciažoŭ.
Raniej chakiery zajaŭlali pra ŭzłom AIS «Pašpart», bazy DAI, inšych baz źviestak MUS, u tym liku archiŭ prasłuchoŭvańnia słužby ŭłasnaj biaśpieki i bazu zapisaŭ apieratyŭnych dronaŭ. Aficyjnaha paćvierdžańnia hetych uzłomaŭ nie było. Ale ŭłady zajavili pra stvareńnie Nacyjanalnaha centra abarony piersanalnych źviestak.