U Biełarusi paśpiachovym žančynam uručyli premiju ad Forbes Woman. Na ŭračystaści zaśviaciŭsia Rumas FOTAFAKT
Cyrymonija ŭpieršyniu adbyvałasia ŭ Biełarusi. Arhanizataram stała biełaruskaja kampanija TAA «Brendvojs» pry padtrymcy łatvijskaha «Forbes Bałtyka». Prajekt zaklikany «padtrymać biełaruskich pradprymalnic u niaprosty dla ich karanavirusny hod». Jon nie maje dačynieńnia da znakamitych rejtynhaŭ Forbes.
04.11.2021 / 11:53
Tryccaci paśpiachovym, pa viersii arhanizataraŭ, žančynam uručyli premiju Forbes Woman Awards Belarus 28 kastryčnika.
Jak paviedamlaje onliner.by, śpisy Forbes Woman nie majuć nijakaha dačynieńnia da rejtynhaŭ Forbes, damy nie ranžyravalisia pa miescach. Udzieł u Forbes Woman Awards byŭ biaspłatnym. Śpis składaŭsia ŭ pieršuju čarhu z tych žančyn, jakija sami padali zajaŭki na ŭdzieł. Usie naminantki praz formu zajavak davali infarmacyju pra siabie i adkazvali na adnolkavyja pytańni, rychtavali prezientacyi.
Cikava, što na cyrymonii byŭ eks-premjer Biełarusi Siarhiej Rumas razam z žonkaj Žannaj.