Recept na vychadnyja. Pasta bolognese. Makarona z kłasičnym bałonskim sousam
Bałonski sous da spahieci dy luboj «pasty» — heta adna z samych daskanałych straŭ suśvietnaj kuchni. Ën nikoli nie pryjadajecca. Sakret — u pravilnym tušeńni faršu i padbory duchmianych prypraŭ. Hatujcie pa našym pravieranym recepcie — i smačna jeści!
16.01.2022 / 13:10
Fota bbcgoodfood.com
Čas padrychtoŭki i hatavańnia
Padrychtoŭka: 10 chv
Hatavańnie: 1 hadzina (kali vy lubicie, kab farš lepš vytušyŭsia — to 1,5 hadziny)
Hety kłasičny recept maksimalna adpaviadaje tradycyjnamu italjanskamu — ale vy majecie poŭnaje prava na ekśpierymienty. Možna bližej da kanca dadać trochi časnyku. Možna rabić bieź vina — usio roŭna smačna, palčyki abližaš. A možna — biełaje vino zamiest čyrvonaha i trochi małaka ŭ kancy.
Kolkaść inhredyjentaŭ raźličanaja na 4 porcyi
Kałaryjnaść: u pieraliku na adnu porcyju siaredniaha pamieru
| Pažyŭnaje rečyva | kkał | tłušč | nasyčanyja tłuščy | vuhlavody | cukar | klatčatka | białki | sol |
| Adzinka | 801 | 17 h | 5 h | 100 h | 17 h | 10 h | 51 h | 1,1 h |
Inhredyjenty
2 stałovyja łyžki aleju
1 bujnaja cybulina, narazajem jaje drobna, možna ŭ kambajnie
2 morkvy, trom drobna, možna taksama ŭ kambajnie na najmienšuju tarku
50 h dobraha padčareŭja, abo vialenaj hrudzinki, abo biekonu — na vaš hust, drobna parezaŭšy
400 h niatłustaha jałavičnaha faršu
150 h kurynaj piečani narezać, vydalić tłušč i žyłki (možna i bieź piečani — tady vaźmicie faršu nie 400 h, a bolš)
1 vialiki łaŭrovy list
4 stałovyja łyžki tamatnaj pasty
150 mł biełaha vina (možna i bieź vina — bałonski sous smačny ŭ lubych varyjacyjach)
500 h kurynaha bulonu. Kali niama, to 500 h vady — i heta bałańjeze nie sapsuje
300 mł tamat-piure. Italjancy nazyvajuć heta passata. Kali zamianić jaje tamatnaj pastaj, to ŭličycie, što tamatnaja pasta ŭdvaja huściejšaja, adpaviedna, jaje treba brać istotna mienš i dabaŭlać vady.
500 h makarony
50 mł tłustaha małaka
prypravy: bazilik, čabor, razmaryn, a kali lubicie, to i časnyk
padajuć makaronu italjancy ź ciortym syram, najlepš dla taho nadajecca ćviordy, aramatny parmiezan
Sposab hatavańnia
KROK 1
Razahrejcie 1½ stałovaj łyžki aleju ŭ vialikim satejniku, ci kačačnicy, ci vialikaj čyhunnaj patelni na siarednim ahni. Dadajcie cybulu i morkvu z drobkaj soli. Absmažcie chvilin 10, pieryjadyčna pamiešvajučy, kab cybula raźmiakła, ale nie paryžeła. Šumoŭkaj pierakładzicie na talerku.
KROK 2
Nalicie ŭ patelniu reštu aleju, pavialičcie ahoń i pakładziecie padčareŭje ci vendžanuju hrudzinku. Absmažcie 3—4 chviliny da załacistaha koleru. Dadajcie farš i kurynuju piečań, pasalicie ich, papiarčycie i absmažvajcie jašče chvilin 5, pakul nie padžarycca, farš raźminajcie draŭlanaj łyžkaj.
KROK 3
Vysypcie harodninu nazad u vašu patelniu i dadajcie łaŭrovy list i tamatnuju pastu. Daviadzicie da kipieńnia i dobra pieramiašajcie. Ulicie vino i pamienšycie ahoń napałovu. Dabaŭcie bulon (kali bulonu niama, to vadu) i pasatu z prypravami i daviadzicie da kipieńnia. Pamienšycie ahoń da siaredniaha i tušycie padliŭku chvilin 35-40, pieryjadyčna pamiešvajučy, a kali vy lubicie, kab farš byŭ dobra rastušany, to i hadzinu. Tušym da stanu hustoha rahu. Pry patrebie padlivajem bolš vady.
KROK 4
Za 15 chvilin da hatoŭnaści sousu stavim vadu na makaronu. Makaronu varycie, prytrymlivajučysia instrukcyi na ŭpakoŭcy, da hatovaści.
KROK 5
Za paru chvilin da hatoŭnaści sousu dadajcie ŭ jaho prypravy pa vašym huście, ale nie škadujučy: bałonski sous lubić i čabor, i razmaryn, i bazilik.
Dla zaviaršeńnia sousu, kali lubicie, dadajcie małako.
Bałonski sous kładuć navierch na makaronu. Padajuć ź ciortym syram.