Pamior biznesoviec Eduard Vajciachovič
Biznesoviec pamior u noč na 12 studzienia. Pra śmierć paviedamiŭ u Fejsbuku Ihar Rachanski.
12.01.2022 / 15:31
Fota: Greenbelarus.info
Eduard Vajciachovič naradziŭsia ŭ vioscy Kamarova Miadzielskaha rajona. 10 hadoŭ kiravaŭ Śvirskim vučyliščam. U 1995-m staŭ deputatam Viarchoŭnaha Savieta 13-ha sklikańnia. Byŭ adnym z padpisantaŭ za impičmient Alaksandru Łukašenku.
U 2017 hodzie stvaryŭ na radzimie Centr raźvićcia sielskaha pradprymalnictva. Na byłym chutary Padkaściołak Astravieckaha rajona Vajciachovič arhanizavaŭ adnu ź pieršych u krainie sielskich siadzibaŭ, ładziŭ na radzimie fiestyval «Kamarova — koła dzion».
U žniŭni 2020 hoda Eduard Vajciachovič vystupiŭ suprać hvałtu, krama, jakoj jon vałodaŭ, niekatory čas strajkavała.