Minski hurt Intelligency vypuściŭ novy albom Technoblues Therapy
Albom pad nazvaj Technoblues Therapy — čaćviorty poŭnafarmatny prajekt biełaruskaha hurta Intelligency. Jaho stvaralniki abiacajuć: «Naš albom stanie najlepšym elektronnym u krainie».
05.02.2022 / 09:54
Albom budzie składacca z dvuch častak. Užo vyjšła pieršaja častka z vaśmi trekaŭ.
Pavodle muzykaŭ, usia ich praca adbyvałasia va ŭmovach roskvitu pandemii, adnačasova z hramadska-palityčnymi padziejami ŭ Biełarusi, pieranosami i admienami kancertaŭ dy fiestyvalaŭ pa epidemijałahičnych pryčynach.
«Za aknom — lutyja kataklizmy, ale na svajoj studyi možna było schavać siabie i złavić mienavita toje natchnieńnie, jakoje i stvaraje hetuju ŭmoŭnuju aŭdyjalnuju terapiju. My sami sabie jaje rekamiendavali na 2020—2022 hady i pakłali ŭ huk. Usie huki zapisvalisia maksimalna svaimi siłami. Byli zadziejničanyja nie tolki muzyčnyja instrumienty — u trekach jość huk, naprykład, udaraŭ pa sistemnym błoku, zvon šklanak»,
— raskazvajuć udzielniki hurta.
Ciapier ich pracu mohuć acanić usie achvotnyja.