Макс Корж асудзіў уварванне Расіі ва Украіну
Макс Корж напісаў у Інстаграме словы падтрымкі Украіне.
24.02.2022 / 22:40
Спявак напісаў:
«Мільёны людзей, якія выраслі ў адных і тых жа дварах, на адных і тых жа каштоўнасцях, якія разумеюць адзін аднаго і на 100%, гатовыя суседнічаць мірна, зноў падзяляюцца вайной.
Асуджаю ўварванне і бамбардзіроўку суверэннай дзяржавы. Гэта вайна, якая зменіць жыццё кожнага назаўсёды, няважна дзе ты жывеш. Усё тое звыклае, што мы ўжо перасталі цаніць, стане для нас толькі ўспамінам. Таму ніколі не позна, калі мільёны не хочуць вайны.
Мір Украіне!»