U Kijevie zrezali kryž achviaram režymu Łukašenki la ambasady Biełarusi
Pamiatny kryž pastavili kala pasolstva Biełarusi ŭ Kijevie ŭ listapadzie 2020 hoda.
08.04.2022 / 09:31
Miascovyja žychary prybrali kryž prykładna 2-3 krasavika, ciškom śpiłavaŭšy jaho bałharkaj i pieraciahnuŭšy na inšy bok vulicy, paviedamlaje Biełaruski dom va Ukrainie.
Bataljon imia Kalinoŭskaha paviedamiŭ, što jaho čalcy pajechali na miesca i zabrali kryž na svaju bazu, kab paśla vajny znoŭ ustalavać jaho ŭ Kijevie.
Pamiatny kryž pastavili kala pasolstva Biełarusi ŭ Kijevie ŭ listapadzie 2020 hoda. Kala jaho prachodzili žałobnyja akcyi pamiaci Alaksandra Tarajkoŭskaha, Hienadzia Šutava, Ramana Bandarenki, Vitolda Ašurka, Andreja Zielcara dy inšych, a taksama pamiaci biełarusaŭ, jakija zahinuli za svabodu i niezaležnaść Ukrainy, nahadvaje «Radyjo Svaboda».