У Барысаве затрымалі члена БСДП Ігара Ледніка
18 красавіка ў Барысаве быў затрыманы сябра Беларускай сацыял-дэмакратычнай партыі (Грамада) Ігар Леднік.
20.04.2022 / 10:54
Па словах партыйцаў, да дома Ледніка пад'ехала машына з гродзенскімі нумарамі. Прычыны затрымання ўдакладняюцца, паведамляе тэлеграм-канал партыі.
Ігар Леднік ужо двойчы прыгаворваўся да адміністрацыйнага арышту. Ён інвалід другой групы, мае праблемы з сэрцам.
Прычыны затрымання ўдакладняюцца.
Гэтымі днямі пракацілася хваля затрыманняў. Учора былі затрыманыя некалькі прафсаюзных лідараў: Сяргей Антусевіч, Аляксандр Ярашук, Аляксандр Бухвостаў, Мікалай Шарах, Віталь Чычмароў. У офісах прафсаюзных арганізацый прайшлі ператрусы.