Učora chakiery ŭzłamali Rutube. Krynicy śćviardžajuć, što sajt nie padlahaje adnaŭleńniu
Ranicaj 9 maja chakiery atakavali rasijski videachostynh Rutube, jaki pazicyjanuje siabie jak zamienu Youtube i kudy paśla pačatku vajny pierajechali mnohija rasijskija pradziaržaŭnyja telekanały.
10.05.2022 / 08:59
Kampanija zajaviła, što kibierataka stała najbujniejšaj u historyi servisu. Na dumku pradstaŭnikoŭ servisu, jana była darahoj, zahadzia spłanavanaj i była patrebnaja, kab «pieraškodzić pakazać parad pieramohi i śviatočny salut».
Jak piša The Village sa spasyłkaj na svaje krynicy, u vyniku dziejańniaŭ chakieraŭ byŭ «całkam vydaleny kod sajta» i ciapier videaservis «nie padlahaje adnaŭleńniu». Zvyčajna na taki vypadak praduhledžanyja bekapy, ale ŭ kankretnaj situacyi zastajecca prablema, što ŭ servisie da hetaha času nie razumiejuć, majuć pa-raniejšamu chakiery dostup da sistemy, ci ŭžo nie. Videakantent, jak śćviardžajecca, u vyniku ataki nie paciarpieŭ.