Prezident Šry-Łanki źbieh z krainy. Na vostravie ŭžo niekalki dzion praciahvajucca pratesty
Prezident Šry-Łanki Hatabaja Radžapaksa źbieh z krainy z-za masavych pratestaŭ, metaj jakich źjaŭlajecca źmiena ułady. Palityk vylecieŭ na vajskovym samalocie na Maldyvy.
13.07.2022 / 08:00
Fota: AP
Uviečary 12 lipienia Radžapaksa prybyŭ u stalicu Maldyŭskich vyspaŭ Male. Taksama Šry-Łanku pakinuŭ brat prezidenta Bieził Radžapaksa, były ministr finansaŭ krainy. Žurnalisty śćviardžajuć, što jon nakiroŭvajecca ŭ ZŠA.
U minułyja vychadnyja na Šry-Łancy prajšli maštabnyja akcyi pratestu. Udzielniki akcyj uvarvalisia ŭ rezidencyju prezidenta, učyniŭšy tam pahrom. Hučali patrabavańni ab adstaŭcy prezidenta i premjer-ministra.
Pratesty na Šry-Łancy praciahvajucca ŭžo niekalki miesiacaŭ. Dziaržava pieražyvaje samy surjozny ekanamičny kryzis z 1948 hoda, kali kraina atrymała niezaležnaść ad Vialikabrytanii.