Dyrektar «Motavieła» Mikałaj Ładućka zapisaŭ pakajannaje videa
Siońnia amal 68-hadovy Alaksandr Łukašenka, naviedvajučy zavod, mocna pakrytykavaŭ jahonaje kiraŭnictva i zahadaŭ zamianić dyrektara zavoda, 63-hadovaha Mikałaja Ładućku, na kaho maładziejšaha. Bo Ładućka «ŭžo nie moža i nie choča», tamu «jamu znajści piensijnuju pasadu, ale taksama chamut na šyju».
15.08.2022 / 23:04
Skrynšot ź videa
U biełaruskaj sistemie kryŭdzicca na Łukašenku sabie daražej, tamu Ładućka zamiest hetaha vystupiŭ z pakajannaj pramovaj, publična prynižajučysia:
«Krytyka kiraŭnika dziaržavy — heta nie krytyka, a baćkoŭskaje słova. A baćkoŭskaje słova macniejšaje za lubuju krytyku. Baćku treba słuchać i nastaŭleńni baćki treba vykonvać. My rabili heta, robim, i budziem rabić nadalej».