Recept na vychadnyja. Pierčanaja kuryca — šmatfunkcyjanalny i ekanomny recept
Hetaja kuryca — vielmi zručnaja strava. Jana doŭha zachoŭvajecca ŭ chaładzilniku, tamu jaje možna zhatavać u zapas i vykarystoŭvać dzie zaŭhodna: u sałatach, dla pierakusaŭ ci jak hałoŭnuju stravu z rysam ci makaronaj. Jašče adzin plus: inhredyjenty prostyja i niedarahija.
11.09.2022 / 10:03
Fota: BBC Food
Kab zhatavać pierčanuju kurycu, vam spatrebicca:
- dźvie kurynyja hrudki biez kostak i skury (vahoj kala 300 hramaŭ), narezanyja na tonkija pałoski
- try čverci čajnaj łyžki soli
- pałova čajnaj łyžki mołataha čornaha piercu
- 2 stałovyja łyžki aleju (možna ŭziać słaniečnikavy ci inšy raślinny)
- 3—4 tonka narezanyja čyrvonyja cybuliny siaredniaha pamieru
- čajnaja łyžka šmatkoŭ piercu čyli (možna zamianić na luby mołaty čyrvony pierac, ale lepš brać kajenski, bo jon bolš blizki da piercu čyli pa smaku)
- Dobra prypraŭcie kuracinu sollu i čornym piercam z abodvuch bakoŭ.
- U vialikaj patelni (lepš za ŭsio z antypryharnym pakryćciom) razahrejcie stałovuju łyžku aleju. Smažcie kuracinu na siarednim ahni na praciahu 4—5 chvilin ci pakul miasa nie stanie śvietła-karyčnievym z kožnaha boku. Zdymicie miasa z patelni i viarnicie jaje na ahoń.
- Dadajcie ŭ patelniu jašče adnu stałovuju łyžku aleju i smažcie cybulu na siarednim ahni na praciahu 8—10 chvilin ci pakul cybula nie pamiakčeje i nie pačnie źmianiać koler. Nie zabyvajcie pamiešvać cybulu padčas smažańnia.
- Viarnicie kuracinu ŭ patelniu, dadajcie pierac čyli i smažcie ŭsio razam jašče 1—2 chviliny, pry hetym pastajanna pieramiešvajcie, pakul miasa nie pryhatujecca. Kali nieabchodna, dadatkova prypraŭcie miasa.
- Hatovuju kuracinu možna padavać z rysam ci makaronaj, a možna i padmiešvać jaje ŭ sałatu.